1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
//13.10.2017

//13.10.2017





ADNSU və Lester Universiteti arasında əməkdaşlığa dair saziş imzalanıb
18.02.2017 / No6

 

 

 


Fevralın 13-də Lester Universitetinin prezidenti, professor Pol Boyl və onun rəhbərlik etdiyi nümayəndə heyəti Azərbaycan Dövlət Neft və Sənaye Universitetində olub.
İlk olaraq ADNSU-nun tarix muzeyi ilə tanış olan nümayəndə heyətinə muzey və eksponatlar haqqında geniş məlumat verilib. Qonaqlar, həmçinin, universitetin nəzdində yaradılan Britaniya Mərkəzi ilə də tanış olublar.
Sonra ADNSU-nun rektoru, professor Mustafa Babanlı Lester Universitetinin prezidenti və nümayəndə heyəti ilə görüşüb. Görüşdə rektor M.Babanlı universitetdəki tədris prosesi və yeniliklər barədə qonaqlara məlumat verib. Hazırda universitetdə 14 ixtisas üzrə ingilis dilində tədrisin aparıldığını qeyd edən rektor tələbələrin ingilis dilində tədrisə marağının yüksək olduğunu və buna görə də bu istiqamətdə işlərin daha da inkişaf etdirilməsinin planlaşdırıldığını vurğulayıb. Rektor M.Babanlı qonaqlara ADNSU-nun nəzdində fəaliyyət göstərən Fransız-Azərbaycan Universiteti (UFAZ) haqqında da geniş məlumat verib.
Görüşdə ADNSU-nun beynəlxalq əlaqələr üzrə prorektoru, dosent Rafiq Camalov, rektorun müşaviri Rusif Hüseynov, beynəlxalq əməkdaşlıq şöbəsinin müdiri Cəmilə İsmayılzadə “Erasmus+ ” tələbə mübadiləsi proqramı çərçivəsində Lester Universitetində təhsil alan tələbələr, ADNSU-da kitabxananın müasirləşdirilməsi istiqamətində Lester Universitetinin standart və təcrübəsindən istifadə edilməsini nəzərdə tutulan layihələr haqqında məlumat veriblər.
Lester Universitetinin prezidenti, professor Pol Boyl ADNSU ilə əməkdaşlıqdan məmnunluq duyduğunu və bu əməkdaşlığın inkişafı istiqamətində səylərini əsirgəməyəcəklərini qeyd edib.
Görüşdə, həmçinin, birgə proqram çərçivəsində bəzi ixtisaslar üzrə mütəxəssis hazırlanmasına dair məsələlər də müzakirə olunub.
Görüşün sonunda ADNSU və Lester Universiteti arasında əməkdaşlığa dair saziş imzalanıb.

yuxarı ⤴