1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
//15.12.2017

//15.12.2017



 
 
ADNSU ilə fransız universitetlərinin əməkdaşlığı genişlənir
08.04.2017 / No12

 

 

 


Aprelin 3-də Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı Frankofoniya Universitetləri Agentliyinin regional direktoru Mohamed Ketata ilə görüşüb.
Fransız universitetləri ilə əməkdaşlığın müzakirə olunduğu görüşdə Azərbaycan və Fransa arasındakı təhsil və mədəni əlaqələrin tarixindən danışılıb, Fransız-Azərbaycan Universitetinin (UFAZ) iki ölkə təhsilini birləşdirən ən uğurlu layihələrdən olduğu vurğulanıb. ADNSU-nun rektoru, professor Mustafa Babanlı qonaqlara universitet haqqında geniş məlumat verib, universitetdə ingilis dili ilə yanaşı, fransız dilində də tədris aparılmasının prioritet istiqamətlərdən olduğunu diqqətə çatdırıb. Fransız dilində tədris aparılması üçün professor və müəllim heyətinin olduğunu qeyd edən rektor azərbaycanlı tələbələrin fransız dilinə böyük maraq göstərdiklərini bildirib.
“UFAZ bizim təhsil əlaqələrimizin daha da genişləndirilməsinə və yeni layihələrə şərait yaratdı. UFAZ bizim üçün olduqca mühümdür. Bu əlaqələrimizin daha da inkişafı üçün yeni əməkdaşlıqlara hər zaman hazırıq”, - deyə rektor, professor M.Babanlı bildirib.
Səmimi qəbula görə rektor, professor Mustafa Babanlıya təşəkkürünü bildirən Mohamed Ketata rəhbərlik etdiyi agentliyin fəaliyyət istiqamətləri, üzvləri və digər mühüm məsələlər haqqında məlumat verib. ADNSU ilə əməkdaşlıqdan məmnun olduğunu qeyd edən M.Ketata fransız dilinin tədrisi üçün keçirilən bütün təlimləri dəstəklədiyini bildirib. O bildirib ki, ADNSU ilə əməkdaşlıq yüksələn xətt üzrə inkişaf edəcək və əlaqələrin bundan sonra daha da genişlənəcəyinə əminlik ifadə edib.
Sonra Frankofoniya Universitetləri Agentliyinin nümayəndələri UFAZ-ı ziyarət edib, tədris prosesi və auditoriyalarla tanış olub.

 

yuxarı ⤴