1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
//13.10.2017

//13.10.2017





Beynəlxalq Yer Günü 150-yə yaxın ölkədə qeyd edilir
29.04.2017 / No15

 
 

 

 


Paytaxtın ümumi təhsil məktəblərində Beynəlxalq Yer Gününə həsr olunmuş silsilə tədbirlər keçirilib. Tədbirlərdə Bakı Şəhəri üzrə Təhsil İdarəsi və SOCAR-ın Ekologiya İdarəsinin əməkdaşları, təhsil müəssisələrinin rəhbərləri, müəllimlər, valideynlər, şagirdlər və digər qonaqlar iştirak ediblər.
Tədbirlərin keçirilməsində əsas məqsəd şagirdləri ekoloji mövzuda daha çox məlumatlandırmaq və təbiəti qorumağın vacibliyini məktəblilərə aşılamaqdan ibarət olub.
Çıxış edənlər ətraf mühitin mühafizəsi istiqamətində Azərbaycanda həyata keçirilən tədbirlərdən danışıb, ölkəmizin müasir ekoloji durumu, ekoloji problemləri yaradan səbəblər və bu problemlərin aradan qaldırılma yolları haqqında şagirdlərə geniş məlumat veriblər. Bundan başqa, ətraf mühitin mühafizəsi sahəsində gənc nəslin rolundan söhbət açılıb, ictimaiyyətin bu sahədə fəal iştirakının, əhali arasında maarifləndirmə işlərinin aparılmasının əhəmiyyəti diqqətə çatdırılıb.
Qeyd olunub ki, Beynəlxalq Yer Günü hazırda 150-yə yaxın ölkədə, o cümlədən Azərbaycanda qeyd edilir. Yer Günü ərəfəsində insanlar müxtəlif ekoloji tədbirlərdə iştirak etməklə ağaclar əkir, yaşıllıqlara qulluq edir, yaşadıqları əraziləri müxtəlif tullantılardan təmizləyirlər.
Tədbirlərdə şagirdlər Beynəlxalq Yer Gününə həsr olunmuş şeirlər, mahnılar söyləyib və ədəbi-bədii kompozisiyalar nümayiş etdiriblər.
Həmçinin, təhsil müəssisələrində Beynəlxalq Yer Günü münasibətilə şagirdlərin əl işlərindən ibarət sərgilər təşkil olunub, divar qəzetləri hazırlanıb.





 

yuxarı ⤴