1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
//20.10.2017






Meksikalı diplomat ADMİU-nun qonağı olub
21.07.2017 / No27

 
 

 

 


Meksikanın Azərbaycandakı səfiri Xuan Rodriqo Labardini Flores Azərbaycan Dövlət Mədəniyyət və İncəsənət Universitetinin (ADMİU) qonağı olub: Universitetin rektoru, əməkdar incəsənət xadimi, professor Fərəh Əliyeva səfirlə görüşüb.

Görüş zamanı hər iki ölkənin tarixi və mədəniyyəti haqqında məlumatlar verilib və ölkəmizin Meksika üçün vacib tərəfdaş olduğu vurğulanıb. Ölkəmizdə incəsənətin bütün sahələrini əhatə edən yeganə universitet olduğunu qeyd edən rektor Fərəh Əliyeva fakültələr və əcnəbi tələbələrin təhsili haqqında geniş məlumat verib.

Meksikalı diplomat qeyd edib ki, incəsənət və mədəniyyət səfirlik üçün ən əsas və vacib sahələrdən biridir və bu sahəyə xüsusi diqqət yetirilir.

Görüşdə hər iki ölkənin universitetləri, Meksikanın teatr, rəssamlıq, kino məktəbləri ilə əməkdaşlıq əlaqələrinin qurulması haqqında danışılıb. Azərbaycan Dövlət Mədəniyyət və İncəsənət Universitetinin tələbələri tərəfindən Mariaçi qrupu haqqında sənədli filmin çəkilərək diplom işi kimi Nizami Kino Mərkəzində nümayişi, həmçinin universitetin sərgi salonunda meksikalı rəssamların sərgisinin təşkili və tanınmış meksikalı qonaqların dəvət olunacağı qeyd olunub. Səfir öz növbəsində Azərbaycan dilində ilk dəfə tərcümə olunan novellanın və eləcə də digər əsərlərin tələbələr tərəfindən tamaşaya qoyulması məsələsinə çox şad olduğunu bildirib.

Sonda səfir Rodriqo Labardini professor Fərəh Əliyevaya səmimi görüşə görə təşəkkürünü bildirərək, meksikalı heykəltəraş Xorxe Marinin yaradıcılığına həsr olunan xatirə kitabını universitetin kitabxana irsinə daxil edilməsi məqsədilə təqdim edib. Fərəh Əliyeva universitetin professoru, əməkdar incəsənət xadimi Arif Əzizin, xalq rəssamı Tahir Salahovun, heykəltəraş, xalq rəssamı Ömər Eldarovun yaradıcılığına həsr olunan və Bakının arxitekturasını əks etdirən kitabları səfirə hədiyyə verib.


 

yuxarı ⤴