1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
// 26.05.2017

// 26.05.2017

// 26.05.2017


 

 
Rəsmi xronika
29.10.2016/№42

 

 


* Oktyabrın 27-də Azərbaycan Respublikasının Prezidenti İlham Əliyev Uruqvay Respublikasının, Qana Respublikasının, Cənubi Sudan Respublikasının, Kanadanın ölkəmizdə yeni təyin olunmuş fövqəladə və səlahiyyətli səfirlərinin etimadnamələrini qəbul edib.

* Prezident İlham Əliyev oktyabrın 26-da Cibuti Respublikasının, Banqladeş Xalq Respublikasının, Şri-Lanka Demokratik Sosialist Respublikasının, Cənubi Afrika Respublikasının ölkəmizdə yeni təyin olunmuş fövqəladə və səlahiyyətli səfirlərinin etimadnamələrini qəbul edib.

* Oktyabrın 25-də dövlət başçısı İlham Əliyev Avropa İttifaqının Cənubi Qafqaz üzrə xüsusi nümayəndəsi Herbert Salberin başçılıq etdiyi nümayəndə heyətini qəbul edib.

* Ölkə başçısı İlham Əliyev oktyabrın 25-də Azərbaycan rəssamlıq məktəbinin inkişafında xidmətlərinə görə Fərhad Qurban oğlu Xəlilovun “Şərəf” ordeni ilə təltif edilməsi haqqında sərəncam imzalayıb.

* Oktyabrın 24-də Azərbaycan Respublikasının Prezidenti İlham Əliyevin ölkəmizdə rəsmi səfərdə olan Xorvatiya Respublikasının Prezidenti xanım Kolinda Qrabar-Kitaroviç ilə təkbətək və geniş tərkibdə görüşləri keçirilib. Həmin gün hər iki ölkənin dövlət başçıları mətbuata bəyanatlarla çıxış ediblər. Oktyabrın 25-də Prezident İlham Əliyev və Xorvatiya Respublikasının Prezidenti xanım Kolinda Qrabar-Kitaroviç Bakıda keçirilən Azərbaycan-Xorvatiya biznes forumunda iştirak və çıxış ediblər.

* Prezident İlham Əliyev oktyabrın 23-də ATƏT-in Minsk qrupunun həmsədrləri Ceyms Uorliki, İqor Popovu, Pyer Andryönü və ATƏT-in hazırkı sədrinin xüsusi nümayəndəsi Anji Kaspşiki qəbul edib.

* Oktyabrın 22-də Azərbaycan Respublikasının Prezidenti İlham Əliyevin Azərbaycan Respublikasında rəsmi səfərdə olan Venesuela Bolivar Respublikasının Prezidenti Nikolas Maduro ilə görüşü olub. Görüş başa çatdıqdan sonra Azərbaycan-Venesuela sənədlərinin imzalanması mərasimi olub, daha sonra ölkə başçısı İlham Əliyev və Venesuela Prezidenti Nikolas Maduro mətbuata bəyanatlarla çıxış ediblər.
 

yuxarı ⤴