1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
//17.11.2017

//17.11.2017

//17.11.2017

 
 
UNEC Gənc Müəllimlər Şurası yaradılıb
09.11.2017 / No43

 
 

 

 


UNEC rektoru, professor Ədalət Muradov gənc müəllimlərlə görüşüb.

Görüşdə ulu öndər Heydər Əliyevin 2002-ci ildə Azərbaycan Dövlət İqtisad Universitetinin 70 illik yubileyinə həsr olunan təntənəli mərasimdə ali təhsil müəssisəsinin fəaliyyət istiqamətləri və qarşıda duran vəzifələrini səsləndirdiyi mühüm nitqi nümayiş etdirilib.

UNEC rektoru ümummilli liderin çıxışındakı “iqtisadiyyatı irəliyə aparmaq, dünyanın mürəkkəb maliyyə və iqtisadi sisteminə qoşulmaq üçün bizə müasir, hazırlıqlı, xarici dilləri bilən, dünya təcrübəsini mənimsəmiş gənclər lazımdır” fikrinə diqqət çəkib. Bildirib ki, son üç ildə UNEC-in pedaqoji və inzibati heyətinə Avropa, Amerika və Kanadanın nüfuzlu universitetlərindən məzun olan 300-dən çox gəncin cəlb edilməsi ulu öndərin universitet qarşısında qoyduğu məqsəd və vəzifələrin tərkib hissəsidir.

Görüşdə UNEC-də həyata keçirilən “Gənc professorlar” və “Gənc müəllimlər” layihəsinin əhəmiyyəti vurğulanıb. Diferensial Əməkhaqqı Sisteminə əsasən tərtib edilən müəllimlərin reytinq cədvəlində gənc müəllimlərin ön sıralarda yer almasının qürurverici olduğu diqqətə çatdırılıb. Gənc müəllimlər pedaqoji və tədqiqatçı bacarıqlarının daha da təkmilləşməsi məqsədi ilə mütəmadi həyata keçirilən yay və qış məktəblərinin üstünlüklərindən danışıblar. Pedaqoji heyət arasında kommunikasiyanın tam təkmilləşdirilməsinin zəruriliyini vurğulayan gənc müəllimlər təkliflərlə çıxış ediblər. Onlar gənc müəllimlərin potensialını daha da artırmaq və səmərəli istifadə etmək məqsədilə UNEC Gənc Müəllimlər Şurasının yaradılması qərarına gəliblər. Təklif müsbət qiymətləndirilib. Bildirilib ki, şuranın fəaliyyətə başlaması gənc müəllimlərin təşəbbüskarlığına təkan verməklə yanaşı, onların idarəetmə prosesində də fəal iştiraklarına zəmin yaradacaq.

UNEC-in Distant, Qiyabi və Əlavə Təhsil Mərkəzinin direktoru Səbuhi Tanrıverdiyev Şuranın sədri seçilib.

 

yuxarı ⤴