1 2 3 4 5
Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
//08.12.2017

//08.12.2017

//08.12.2017

//08.12.2017



 
 

Avropa universitetləri ilə ikili diplom müqaviləsi imzalanacaq
01.12.2017 / No46


 
 

 

 


Ölkəmizin üç ali məktəbi Parisdə keçiriləcək seminarda təmsil olunacaq

Gələn həftə ölkəmizin 3 ali məktəbinin - Azərbaycan Texniki Universiteti (AzTU), Azərbaycan Memarlıq və İnşaat Universiteti (AzMİU) və Sumqayıt Dövlət Universitetinin (SDU) rektorları Fransaya səfər edəcəklər. Səfər çərçivəsində Erasmus+ layihəsinə əsasən hər üç universitetlə Avropa universitetləri arasında ikili diplom müqaviləsinin imzalanması gözlənilir.

İkili diplomla bağlı üç universitetin nümayəndələrindən ibarət komissiya üzvləri Azərbaycan Texniki Universitetində toplaşaraq səfər öncəsi son müzakirələrini keçiriblər. Toplantıda müzakirə mövzusu müqavilədən irəli gələn şərtlər olub.

Erasmus+ layihəsinin regional koordinatoru, AzTU-nun kafedra müdiri Həsən Hüseynov bildirib ki, görüş Fransanın CNAM Universitetində keçiriləcək və Azərbaycan universitetlərindən olan səlahiyyətli şəxslərlə interaktiv olaraq ikili diplom müqaviləsinin bəzi şərtləri razılaşdırılacaq. H.Hüseynovun sözlərinə görə, müqavilə ilə bağlı şərtlər və ümumilikdə müqavilə bazası universitetlərə göndərilərək əlaqədar işçi qruplarının rəyi öyrənilib.

İkili diplom müqaviləsinin predmeti olan ixtisaslar sorğu əsasında müəyyən edilib. H. Hüseynov bildirib ki, sorğuya ümumilikdə 500 nəfər cəlb olunub: “Biz öncə Avropa ekspertlərinin iştirakı ilə sorğunun suallarını, formasını hazırladıq. Sonra üç universitet birgə əmək bazarında olan 500 nəfər arasında bu sorğunu keçirərək binaların enerji səmərəliliyi sahəsində hansı ixtisasların prioritet olduğunu və həmin ixtisaslar üzrə kadrların hansı biliklərə yiyələnməsinin vacib olduğunu müəyyən etdik”.

Layihə koordinatoru hesab edir ki, ikili diplom verilməsi nəzərdə tutulan ixtisasa yiyələnən kadrların işlə təminatı məsələsində problem yaranmayacaq: “Bu kadrlara əmək bazarında böyük ehtiyac var. Onlara qoyulan tələbləri birbaşa olaraq əmək bazarında olan ixtisaslı mütəxəssislər, rəhbər şəxslər müəyyən edib. Yəni, işəgötürənlərdən artıq tələbi almışıq. Biz ixtisasları müəyyən edərkən sorğu anketləri və internet resursları üzərindən araşdırmalarla kifayətlənmədik. 50 nəfər müxtəlif müəssisə rəhbəri ilə müsahibə təşkil olundu. Onlarla söhbətin nəticələri də sorğuya daxil edilib və təklifləri nəzərə alınıb”.

İkili diplom müqaviləsinin predmeti olan üç ixtisas: “Bərpa olunan enerji mənbələri” (AzTU), “Enerji səmərəliliyi” (AzMİU) və “Binaların enerji təchizatı” (SDU) ixtisaslarına qoyulan tələblər Təhsil Nazirliyi tərəfindən də bəyənilib. Nazirlik ixtisaslara görə müəyyən edilən kredit sayının Avropa universitetləri ilə uyğunlaşdırılmasının tərəfdarıdır.

Qeyd edək ki, Parisdə təşkil olunacaq seminarda Azərbaycan universitetləri ilə yanaşı Rusiya Federasiyasının (5) və Çinin (2) tərəfdaş universitetləri də təmsil olunacaq. Seminarın nəticəsindən asılı olaraq ikili diplom müqaviləsinin Fransanın CNAM, İspaniyanın Sevilya, Almaniyanın Leypsiq, İtaliyanın Pavia və Turin universitetləri ilə bağlanması planlaşdırılıb.
 

yuxarı ⤴