Rəsmi / Qanunvericilik / Heydər Əliyev Fondunda / Təhsil Nazirliyində / Pedaqoji yazılar / Müsahibələr / İdman / Elanlar / Arxiv
BDU-da məşhur yazıçı Əhməd Həmdi Tanpınarın anım günü qeyd olunub
17.12.2016/№49

 

 


Bakı Dövlət Universiteti, Yunus Əmrə İnstitutu və Azərbaycan Yazıçılar Birliyinin birgə təşkilatçılığı ilə Türkiyənin məşhur yazıçısı Əhməd Həmdi Tanpınarın anım gününə həsr olunmuş tədbir keçirilib. Tədbir “Dünyam - Əhməd Həmdi Tanpınarın həyatından səhnələr” adlı sərginin açılışı ilə başlayıb. Bakı Dövlət Universitetinin rektoru, akademik Abel Məhərrəmov türk yazıçısı, şairi Əhməd Həmdi Tanpınarın ədəbiyyatdakı rolundan, 63 illik həyatını bu sahəyə həsr etməsindən bəhs edib. Rektor Azərbaycan oxucusunun onu yaxından tanıması məqsədilə Yunus Əmrə İnstitutu tərəfindən keçirilmiş “Tanpınarı kəşf edirəm” adlı esse müsabiqəsinin önəmindən bəhs edərək, qalibləri təbrik edib.
Tədbirdə Azərbaycan Yazıçılar Birliyinin sədri, xalq yazıçısı Anar Əhməd Həmdi Tanpınarın yaradıcılığından danışıb, əsərlərinin bir çox dillərə tərcümə edildiyini qeyd edib. Türkiyənin Azərbaycandakı səfirliyinin əməkdaşı Məkbulə Koçak, millət vəkili Jalə Əliyeva və Azərbaycan Yazıçılar Birliyinin üzvü, yazıçı Çingiz Abdullayevin çıxışlarından sonra Əhməd Həmdi Tanpınarın şeirləri səsləndirilib. Sonda Yunus Əmrə İnstitutunun müdiri İbrahim Yıldırım “Tanpınarı kəşf edirəm” adlı müsabiqəyə təqdim olunmuş esselərin Türkiyənin və Azərbaycanın tanınmış yazıçıları tərəfindən qiymətləndirildiyini bildirib.
Nəticələr elan edildikdən sonra qaliblərə sertifikatlar təqdim olunub.

Mətbuat və informasiya şöbəsi
 

yuxarı ⤴