Ağstafa şəhər 2 nömrəli tam orta məktəbdə 9 May Qələbə Gününə aid tədbir keçirilib. Tədbirdə rayon təhsil şöbəsinin əməkdaşları, müəllimlər, valideynlər və başqa qonaqlar iştirak ediblər. Rayon təhsil şöbəsinin ictimaiyyətlə əlaqələr üzrə məsul şəxsi Nəcibə Vəliyevanın verdiyi məlumata görə, tədbirdə Vətən uğrunda canlarını qurban vermiş insanların xatirəsi bir dəqiqəlik sükutla yad edilib.
Təhsil şöbəsinin müdiri Kamran Abbasov İkinci dünya müharibəsində alman faşizmi üzərində qələbənin əldə olunmasında Azərbaycan xalqının misilsiz xidmətlər göstərdiyini vurğulayıb, azərbaycanlıların ön və arxa cəbhədə göstərdiyi qəhrəmanlıq və şücaətdən bəhs edib.
Sonra şagirdlər şeir söyləyib, mahnı oxuyub və ədəbi-bədii kompozisiya nümayiş etdiriblər
Şakir CƏFƏROV