Prezident İlham Əliyevin ötən il oktyabrın 29-da
Ağsuya tarixi səfəri zamanı təməlini qoyduğu
uşaq-gənclər bədii yaradıcılıq məktəbi üçün yeni
binanın tikintisi sürətlə davam etdirilir.
Heydər Əliyev Fondunun təşəbbüsü ilə inşa olunan
bina şəhərin şimal-qərbində, Muğanlı-Yevlax
magistral yolunun kənarındadır. Bu məqsədlə 0,56
hektar torpaq sahəsi ayrılmışdır.
Bədii yaradıcılıq məktəbi üçün bina layihəyə
görə ikimərtəbəli, 11 otaqdan ibarət olmaqla,
400 kvadratmetr tikinti sahəsinə malikdir.
Hazırda obyektdə inşaat işləri cədvələ uyğun
aparılır. İkimərtəbəli əsas binanın birinci
mərtəbəsində daş-hörgü işləri başa çatmışdır.
İndi ikinci mərtəbə tikilir. Ümumiyyətlə,
layihədə nəzərdə tutulmuş işlərin 30 faizi
yerinə yetirilmişdir. Tikinti işləri yerli
inşaatçıların qüvvəsi ilə görülür.
Obyektin cari ilin dördüncü rübündə istifadəyə
verilməsi nəzərdə tutulmuşdur. |