|
 Prezident
İlham Əliyev fevralın 10-da Goranboy rayonuna
səfəri çərçivəsində 688 məcburi köçkün ailəsi
üçün nəzərdə tutulan və birinci mərhələdə 165
ailənin məskunlaşacağı yeni yaşayış məhəlləsinin
istifadəyə verilməsi münasibətilə keçirilən
mərasimdə iştirak etmişdir.
Sonra dövlət
başçısı yeni məhəllədə inşa olunmuş Xocalı şəhər
1 nömrəli orta məktəbin həyətində pəhləvan
Məzahir Qəhrəmanovun nümunəvi çıxışına baxdı və
aşıq musiqisini, gənc ifaçıları dinlədi.
Sonra dövlət
başçısı qəsəbə sakinləri ilə görüşdü.
Daha sonra
Prezident İlham Əliyev Xocalı şəhər 1 nömrəli
orta məktəbdə yaradılmış şəraitlə tanış oldu.
İkimərtəbəli məktəb binasının foyesində
ümummilli lider Heydər Əliyevin 2002-ci ilin
sentyabr ayında Goranboyun Aşağı Ağcakənd
qəsəbəsinin açılışında iştirakı ilə bağlı
fotoguşə yaradılmışdır. Məktəbin sinif
otaqlarından əlavə informatika, fizika və
riyaziyyat kabinetləri, kimya laboratoriyası,
kitabxanası, emalatxana və yeməkxanası da var.
İdman zalında isə basketbol, güləş və voleybolla
məşğul olmaq mümkündür. Dövlət başçısı burada
gənc idmançıların çıxışını izlədi.
 Məktəbin
ikinci mərtəbəsində ulu öndər Heydər Əliyev və
Prezident İlham Əliyevin, Heydər Əliyev Fondunun
ölkəmizdə təhsilin inkişafına diqqət və
qayğısını əks etdirən, habelə Xocalı faciəsinə
dair fotoguşələr yaradılmışdır.
Məktəb
binasının qızdırılması üçün ayrıca qazanxana da
inşa olunmuşdur.
Məktəblə tanışlıqdan sonra Prezident İlham
Əliyev yeni yaşayış məhəlləsindəki Xocalı
soyqırımı qurbanlarının xatirə abidəsini ziyarət
edərək gül dəstəsi qoydu.
AzərTAc |
