Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

16 Mart 2012 - №11

 

Qərarın elan edilməsi barədə
Azərbaycan Respublikası təhsil nazirinin əmri

 

Azərbaycan Respublikası Nazirlər Kabinetinin "Azərbaycan Respublikası Nazirlər Kabinetinin 2010-cu il 3 iyun tarixli   103 nömrəli   qərarı ilə təsdiq edilmiş "Ümumi təhsil pilləsinin dövlət standartı və proqramları (kurikulumları)"nda dəyişikliklər edilməsi haqqında" 2012-ci il 19 yanvar tarixli 9 nömrəli qərarını elan edirəm: 

"Təhsil haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2009-cu il 5 sentyabr tarixli 156 nömrəli Fərmanına əsasən, Azərbaycan Respublikası Maliyyə Nazirliyinin və Azərbaycan Respublikası Təhsil Nazirliyinin razılaşdırılmış təklifini nəzərə alaraq Azərbaycan Respublikasının Nazirlər Kabineti  

QƏRARA ALIR: 

1. Azərbaycan Respublikası Nazirlər Kabinetinin 2010-cu il 3 iyun tarixli 103 nömrəli qərarı (Azərbaycan Respublikasının Qanunvericilik Toplusu, 2010, № 6, maddə 549; 2011, № 3, maddə 235) ilə təsdiq edilmiş "Ümumi təhsil pilləsinin dövlət standartı və proqramları (kurikulumları)"nda aşağıdakı dəyişikliklər edilsin:

1.1. 12.1-ci bənd aşağıdakı redaksiyada verilsin:

"12.1. Ümumi təhsil müəssisələrində siniflər şagirdlərin sayı 20 nəfər olmaqla müəyyən edilir.";

1.2. aşağıdakı məzmunda 12.2-ci-12.4-cü bəndlər əlavə edilsin:

"12.2. Ümumi təhsil müəssisəsi üzrə bir sinifdə şagirdlərin ümumi sayı 20 nəfərə çatmadıqda, mövcud şagird sayı ilə sinif təşkil olunmasına yol verilir.

12.3. Eyni bir sinifdə şagirdlərin sayı 30 nəfərdən çox olduqda və ya şagirdlərin bir sinifdə tədrisinə sinif otağının ölçüsü imkan vermədikdə həmin sinif üzrə ikinci paralel sinif təşkil edilir.

12.4. Tədris ilinin birinci yarısında hər hansı bir səbəbdən siniflərdə şagirdlərin sayı azaldıqda və ya artdıqda, siniflər bu dövlət standartlarının müvafiq olaraq 12.1-ci-12.3-cü bəndləri ilə müəyyən edilmiş say həddində birləşdirilir və ya paralel sinif təşkil edilir.".

2. Bu qərar imzalandığı gündən qüvvəyə minir.

 

Artur RASİ-ZADƏ,
Azərbaycan Respublikasının Baş naziri"
 

Azərbaycan Respublikası Nazirlər Kabinetinin göstərilən qərarının icrası ilə əlaqədar  

ƏMR EDİRƏM: 

1. Azərbaycan Respublikası Nazirlər Kabinetinin 2012-ci il 19 yanvar tarixli 9 nömrəli qərarı rəhbərlik və icra üçün qəbul edilsin.

2. Naxçıvan  Muxtar  Respublikasının  Təhsil  Nazirliyi,  Bakı  Şəhəri  üzrə Təhsil İdarəsi, Gəncə  Şəhər  Təhsil İdarəsi,   rayon  (şəhər)  təhsil  şöbələri,  nazirliyin birbaşa tabeliyindəki  mərkəzləşdirilmiş  xərclərdən maliyyələşən bütün tipdən olan  ümumi təhsil məktəblərinin, gimnaziya və liseylərin rəhbərləri siniflərin komplektləşdirilməsini qərarın tələblərinə uyğun olaraq təmin etsinlər.

3. İqtisadiyyat şöbəsi (Ş.Əliyev) müvafiq yerli təhsil orqanlarının, eləcə də nazirliyin birbaşa tabeliyində olan və mərkəzləşdirilmiş xərclərdən maliyyələşən bütün tipdən olan ümumi təhsil məktəbləri, gimnaziya və liseylərin şəbəkə göstəricilərinin qeyd olunan qərarın tələblərinə uyğun olaraq müəyyən edilməsinə nəzarəti və bununla bağlı digər zəruri tədbirlərin həyata keçirilməsini təmin etsin.

4. Ümumi şöbə (X.Fərəcov) əmrin çoxaldılaraq yerlərə çatdırılmasını təmin etsin.

5. İctimaiyyətlə əlaqə şöbəsi (B.Hüseynzadə) əmrin "Azərbaycan müəllimi" qəzetində və "Təhsil xəbərləri" məcmuəsində dərc olunmasını, nazirliyin İnternet saytında yerləşdirilməsini təmin etsin.

6. Əmrin icrasına nəzarəti öz üzərimə götürürəm. 

Misir  MƏRDANOV,
Azərbaycan Respublikasının təhsil naziri
1 mart 2012-ci il

 
 
 
Səhifənin başına qalx "Qanunvericilik" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov