Sentyabrın
14-də Bakının Nizami rayonunun Keşlə qəsəbəsində 100
yerlik uşaq bağçası binasının təməli qoyulmuşdur.
Azərbaycan Respublikasının Prezidenti İlham Əliyev
mərasimdə iştirak etmişdir.
Dövlətimizin başçısı uşaq bağçasının istifadəyə
verildikdən sonrakı görüntülərini əks etdirən stendə
baxdı.
Diqqətə çatdırıldı ki, bağça binasının ümumi sahəsi 1200
kvadratmetr olacaqdır. İki mərtəbədən ibarət binada
20-dən çox otaq, o cümlədən kiçik yaş qrupu bölməsi,
yeməkxana, kitabxana, həkim, musiqi otaqları və digər
kabinetlər yaradılacaqdır. Bağçada qış və yay oyun
zalları fəaliyyət göstərəcəkdir. Ətrafda geniş yaşıllıq
zolağı salınacaq, müxtəlif attraksionlar
quraşdırılacaqdır.
Prezident İlham Əliyev uşaq bağçası binasının təməlini
qoydu.
Dövlətimizin başçısı tikinti işlərinin vaxtında və
keyfiyyətlə aparılması ilə bağlı tapşırıqlarını verdi.
AzərTAc |