Respublika muğam ifaçılarının Beynəlxalq Muğam Festivalında iştirakını təmin etmək, istedadlı muğam ifaçılarını üzə çıxarmaq məqsədilə  

ƏMR EDİRƏM: 

1. III respublika muğam müsabiqəsi vokal və instrumental musiqi nominasiyaları üzrə 2013-cü ilin 15 fevral tarixində Bakı şəhərində keçirilsin.

2. Müsabiqənin əsasnaməsi, təşkilat komitəsi (əlavə 1) və münsiflər heyətinin tərkibləri (əlavə 2) təsdiq olunsun.

3. Qaliblərin seçilməsi Azərbaycan Milli Konservatoriyasına (S.Kərimi) və Azərbaycan Milli Konservatoriyası nəzdində Musiqi Kollecinə  (N.Kazımov) tapşırılsın.

4. Tərbiyə və məktəbdənkənar müəssisələrlə iş şöbəsi (A.İbrahimov) müsabiqənin yüksək səviyyədə keçirilməsi üçün lazımi təşkilati işləri həyata keçirsin.

5. İqtisadiyyat şöbəsi (Ş.Əliyev) təsdiq edilmiş xərclər smetasına uyğun olaraq müsabiqənin keçirilməsi ilə bağlı xərclərin ödənilməsini təmin etsin.

6. İctimaiyyətlə əlaqə şöbəsi (B.Hüseynzadə) əmrin "Azərbaycan müəllimi" qəzetində dərc edilməsini və əsasnamə ilə birlikdə nazirliyin İnternet səhifəsində yerləşdirilməsini təmin etsin.

7. Əmrin icrasına nəzarət nazir müavini Q.Novruzova həvalə olunsun. 

Misir MƏRDANOV,
Azərbaycan Respublikasının təhsil naziri
27 noyabr 2012-ci il