Xarici dil təkçə insanın ümumi mədəni səviyyəsini,
düşünmək və yaratmaq qabiliyyətini inkişaf etdirmir,
həmçinin ona yad mədəniyyətə, yad yaradıcılığa öz
münasibətini ifadə etməyə imkan verir.
Artıq bir neçə ildir ki, iptidai siniflərdə dərslər
kurikuluma uyğun aparılır ki, bu da dünyanın proqressiv
tədris modellərindən biridir. Bu ildən başlayaraq V
siniflərdə də fənlər, o cümlədən ingilis dili kurikuluma
uyğun tədris olunur.
Müasir tədris fəaliyyətində müəllim müxtəliflik üçün bir
çox imkanlara malikdir. Bunun üçün müəllim dərs zamanı
müxtəlif oyunlar və əyləncələr təşkil edə bilər ki, bu
da şagirdin fənnə marağını daha da artırmağa imkan
verər. Həmçinin müəllim dərsdə hadisələrin gedişini
təşkil edən, şagirdə lazım olan məlumatı əldə etmək
yolunu göstərən məsləhətçi rolunda da iştirak edə bilər.
Bundan başqa, belə əyləncəli, həm də öyrədici dərslərin
təşkili üçün müəllim kompüter, proyektor, müxtəlif
videomateriallar və digər əyani vasitələr kimi yeni
texnologiyalardan istifadə edə bilər.
V sinif şagirdləri ilə iş zamanı mən yuxarıda göstərilən
yeni metodlardan istifadə etməyə üstünlük verirəm. Bu da
dərsimi səmərəli və maraqlı edir. Belə texnologiyalardan
istifadə psixoloji baryerin aradan qaldırılmasına kömək
edir, yaradıcılığa sövq edən şərait yaranır.
Nümunə üçün sinifdə hazırladığım bir dərs nümunəsini
təqdim edirəm.
Dərsin mövzusu:
Unite 3. Countries and Cultures. (Ölkələr
və mədəniyyətlər)
Lesson 2. One small world. (Bir kiçik
dünya)
Standartlar: 1.1.1, 2.1.1, 3.1.4, 4.1.1
1.1.1 Şagird eşitdiyi mətni başa düşür,
2.1.1 Yeni sözlərdən və ifadələrdən düzgün istifadə
edir,
3.1.4 Oxunmuş mətnin suallarına cavab verə bilir.
4.1.1 Yeni sözlərdən istifadə edərək məntiqi və
qrammatik düzgün cümlələr tərtib edə bilir.
Dərsin məqsədi:
Danışmağı, yazmağı, oxumağı və dinləməyi öyrətmək.
Şagird:
Qulaq asmaq, yeni sözlər və ifadələrdən düzgün ifadə
etmək bacarığını göstərir; oxunmuş materialın konteksti
üzrə suallara cavab vermək bacarığını göstərir;
sözlərdən istifadə edərək məntiqi və qrammatik düzgün
cümlələr tərtib etməyi bacarır.
Şagird edə bilər:
Bu mövzu üzrə danışa bilər "Cities and Places of
interest in the world" (Dünyanın şəhərləri və görməli
yerləri); Şeir oxuya bilər, "One small world" (Bir kiçik
dünya) ölkələrin, şəhərlərin və görməli yerlərin
adlarını öyrənə bilər.
Dərsin tipi:
Eşitmək, oxumaq, danışmaq yazmaq qabiliyyətlərinin
inkişafı
Sinfin idarə olunması:
Sinifdə birgə, qruplar və çütlər üzrə iş.
Tapşırığın tipi:
Tədqiqat, müzakirə.
Resurslar:
Şəkillər, flaşkartlar, dərslik, həmin ölkələrin
şəkilləri olan kartlar.
Məşq:
"Missinq words" "Buraxılmış sözlər". Şagirdlər
buraxılmış sözləri tapırlar. Onlar artıq ölkələrin
paytaxtlarını bilirlər.
Where’
s London?
Yes London, London, London.
Where’s
London?
Where’s
London, London, London?
It’s
in.....
Motivasiya:
Mənə deyə bilərsinizmi London harada yerləşir (Paris,
Nyu-York)?
Tədqiqat sualı:
Dünyada hansı böyük şəhərləri və paytaxtları bilirsiniz?
Tədqiqatın aparılması:
Şagirdlər qruplar üzrə işləyirlər və xəritə üzərində
tapdıqları şəhərlər haqqında fikirlərini paylaşırlar.
İnformasiya mübadiləsi:
Şagirdlər qruplarda işləyirlər və dünyanın ölkələri,
onların paytaxtları haqqında danışırlar.
Məlumatların müzakirəsi:
Müəllim aparıcı sual verərək köməkçi kimi iştirak edir.
Siz dünyada neçə şəhər tanıyırsız? Dünyada neçə ölkə
tanıyırsız? İngilislər harada yaşayır? Türklər harada
yaşayır?
Müəllim dərs zamanı deyilənləri yekunlaşdırır.
Dərsliklə iş:
Biz tədrisin müxtəlif mərhələlərində və tədris
prosesində kommunikativ üsuldan istifadə edirik.
Müxtəlif üsullardan istifadə edərək dərs planı tərtib
olunmalıdır. Təqdim olunan dərs "One small world" tədris
planına uyğun olaraq üç dərsdə verilə və ya müəllimdən
asılı ola bilər. Şagirdlərin səviyyəsi müxtəlif
olduğundan mövzu bir dərsdə və yaxud da bir neçə dərsdə
tədris edilə bilər.
Ülviyyə ABBASOVA,
Bakıdakı 47 nömrəli tam orta
məktəbin müəllimi |