|
Bakıdakı 19 nömrəli tam orta məktəbdə ümummilli lider
Heydər Əliyevin anadan olmasının 90 illiyinə həsr
olunmuş elmi-praktik konfrans keçirilib.
Məktəbin foyesində və geniş dəhlizində şagirdlərin ulu
öndər Heydər Əliyevin 90 illik yubileyinə həsr
etdikləri müxtəlif səpgili əl işləri sərgilənib.
Kətanlarda əl ilə çəkilmiş rəsmlər, toxuma işləri,
respublikamızın dövlət atributlarını, xəritəsini və
tarixi abidələrini nəfis şəkildə əks etdirən müxtəlif
rəngli muncuqlardan hazırlanmış işlər qonaqların
marağına səbəb olub.
Sonra qonaqlar, məktəbin müəllim və şagirdləri akt
zalına toplaşıblar. Azərbaycanın Dövlət himni
səsləndirilib. Ulu öndər Heydər Əliyevin əziz xatirəsi
bir dəqiqəlik sükutla yad edilib.
Tədbiri giriş sözü ilə açan məktəbin direktoru Məmməd
Qənbərov ulu öndər Heydər Əliyevin həyat və
fəaliyyətindən, misilsiz xidmətlərindən danışıb.
Ümummilli liderin anadan olmasının 90-cı ildönümü
münasibətilə belə tədbirlərin bütün ümumtəhsil
məktəblərində və digər müəssisə və təşkilatlarda da
qeyd edildiyini vurğulayıb.
Məktəbin tarix müəllimləri Vəfa Heydərova, Piri Arzu
Əflatunun "Heydər Əliyevin fəaliyyəti və dövlət
quruculuğu" və "Heydər Əliyevin daxili və xarici
siyasəti haqqında" məruzələri dinlənilib.
Şagirdlər ulu öndərə və onun layiqli davamçısı Prezident
İlham Əliyevə həsr edilmiş müxtəlif şeirlər söyləyib,
mahnılar oxuyublar. Monitorda ulu öndər Heydər Əliyevin
və Prezident İlham Əliyevin həyat və fəaliyyətini əks
etdirən film nümayiş etdirilib.
Çıxışlarda müstəqil Azərbaycan Respublikasının memarı və
qurucusu Heydər Əliyevin 50 milyonluq azərbaycanlılar
tərəfindən həmişə hörmətlə anılacağı və sevgi ilə
xatırlanacağı qeyd edilib.
Rəşad ZİYADOV |
