Aprelin
29-da Təhsil Nazirliyində Azərbaycan Milli Elmlər
Akademiyası Mərkəzi Elmi Kitabxanasının təşkilatçılığı
ilə ümummilli lider Heydər Əliyevin 90 illik yubileyinə
həsr olunmuş "Heydər Əliyev irsi və onun tədqiqi"
mövzusunda sərgi keçirilmişdir.
Sərgidə ulu öndərin həyat və fəaliyyətinin ayrı-ayrı
dövrlərindən bəhs edən kitablar nümayiş olunmuş, sənədli
filmə tamaşa edilmişdir.
Tədbirdə Təhsil Nazirliyinin struktur bölmə rəhbərləri,
şöbə müdirləri və Mərkəzi Elmi Kitabxananın əməkdaşları
iştirak etmişlər.
Qeyd olunmuşdur ki, müstəqil Azərbaycan dövlətinin
memarı Heydər Əliyevin həyat və fəaliyyətinin
öyrənilməsi baxımından belə tədbirlər mühüm əhəmiyyət
kəsb edir. Sərgiyə olan maraq təhsil ictimaiyyətinin
ümummilli liderə ehtiramının bariz nümunəsi kimi
səciyyələndirilmiş, Heydər Əliyevin 90 illik yubileyinə
həsr olunmuş tədbirlərin ölkəmizdə fəaliyyət göstərən
bütün təhsil müəssisələrində təntənə ilə keçirildiyi
nəzərə çatdırılmışdır. |