|
 Azərbaycan
Şahmat Federasiyasının kuboku uğrunda şahmat turniri
keçirilmişdir. 1 nömrəli İxtisaslaşdırılmış Olimpiya
Ehtiyatları Uşaq-Gənclər Şahmat-Dama Məktəbinin
direktoru Natiq Ələkbərovdan aldığımız məlumatda qeyd
olunmuşdur ki, yarışda dörd şahmat məktəbinin
komandaları qüvvələrini sınamışlar. Turnirdə 1 nömrəli
İxtisaslaşdırılmış Olimpiya Ehtiyatları Uşaq-Gənclər
Şahmat-Dama Məktəbinin şahmatçılarından Qulam Məmmədov,
Niyazi Nağdıyev, Səid Rəfili, Nail Bəşirli, Abdulla
Qədimbəyli, Günay Məmmədzadə və qrossmeyster Qədir
Hüseynov iştirak etmişdir.
N.Ələkbərov onu da əlavə etmişdir ki, bu günlərdə 8, 10,
12 yaşlı şahmatçılar arasında Azərbaycan çempionatı
keçirilmişdir. Rəhbərlik etdiyi şahmat məktəbinin
yetirmələri də həmin çempionatda iştirak etmişlər. 8
yaşlılar arasında Ayan Allahverdiyeva I, 10 yaşlılarda
Məhəmməd Muradlı I, 12 yaşlı şahmatçılar arasında isə
Abdulla Qədimbəyli III yerləri tutmuşlar. |
