Javascript DHTML Drop Down Menu Powered by dhtml-menu-builder.com

ARXİV

5 Sentyabr 2014 - №34

 

Heydər Əliyev Fondunun dəstəyi ilə Moskvada fəaliyyət göstərən Azərbaycan məktəbinin binası əsaslı təmir olunub

 

Heydər Əliyev Fondu daha bir humanist aksiyaya imza atıb. Moskvada fəaliyyət göstərən Kərim Kərimov adına 157 nömrəli Azərbaycan etnomədəni mənşəli məktəbin binası Heydər Əliyev Fondunun Rusiya nümayəndəliyinin dəstəyi ilə əsaslı təmir olunub.

AzərTAc xəbər verir ki, məktəb təmirdən sonra qapılarını yenidən şagirdlərin üzünə açıb. Heydər Əliyev Fondunun Rusiya nümayəndəliyi Leyla Əliyevanın təşəbbüsü ilə məktəbdə abadlıq işləri aparıb. Məktəbin idman və rəqs zalı tamamilə yenidən qurularaq şagirdlərin ixtiyarına verilib.

Kərim Kərimov adına 157 nömrəli məktəbdə azərbaycanlı şagirdlərlə yanaşı digər millətlərin nümayəndələri də təhsil alırlar.

Məktəb daimi olaraq Heydər Əliyev Fondunun qayğısı ilə əhatə olunur. Burada ümumi tədris proqramından əlavə şagirdlərə Azərbaycan dili, tarixi və ədəbiyyatı da öyrədilir.

"Bilik günü" münasibətilə keçirilən tədbirdə məktəbin direktoru Elmira Sultanova şagirdləri, valideynləri təbrik edib.

Sonra ilk zəng vurulub və şagirdlər parta arxasında əyləşiblər.

 
 
 
Səhifənin başına qalx "Heydər Əliyev Fondu" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov