|
 Sentyabrın
6-da Respublika Şahmat Mərkəzində Azərbaycan
Respublikasının dövlət müstəqilliyinə həsr olunmuş "BAKU
OPEN - 2014" beynəlxalq şahmat festivalının uşaq turniri
başlanıb.
Rəsmi açılış mərasimində Azərbaycan Şahmat
Federasiyasının vitse-prezidenti, beynəlxalq dərəcəli
hakim Faiq Həsənov, Bakı Şəhər Gənclər və İdman Baş
İdarəsinin baş məsləhətçisi, paytaxtın şahmat idman növü
üzrə koordinator-kuratoru Salman Əbdülov, Respublika
Şahmat Mərkəzinin direktoru Məcid Əfəndiyev, yarışın baş
hakimi, beynəlxalq dərəcəli hakim Nurəli Məmmədzadə və
digər şəxslər turnirin əhəmiyyətindən danışaraq
iştirakçılara müvəffəqiyyətlər arzulayıblar.
2002-ci il təvəllüdlü və ondan kiçikyaşlı oğlanlar və
qızlar arasında keçirilən turnirdə Bakı, Naxçıvan MR,
Gəncə, Sumqayıt, Mingəçevir, Ağdam, Cəbrayıl, Ağdaş,
Tovuz, Biləsuvar, Abşeron, İsmayıllı, Şəki, Quba,
Kürdəmir, Ucar şəhər və rayonları ilə yanaşı, Qazaxıstan
və Özbəkistan respublikalarını təmsil edən 98 nəfər
idmançı iştirak edir. Turnir 9 turdan ibarət İsveçrə
sistemi üzrə keçirilir. Oyunları beynəlxalq dərəcəli
hakim Nurəli Məmmədzadənin rəhbərlik etdiyi hakimlər
kollegiyası idarə edir. Turnirə sentyabrın 14-də yekun
vurulacaqdır. |
