|
 Aytən
ZEYNALOVA,
Bakı şəhəri, Ə.Əliyev adına 204 nömrəli tam orta
məktəbin ibtidai sinif müəllimi
Ulu öndərimizin fikrinə istinad edərək deyə bilərik ki,
şagirdlərdə yeni keyfiyyətlərin formalaşmasında təhsilin
rolu danılmazdır. Kurikulum təhsili şagirdlərdə
əzbərçilik deyil, sərbəst düşünmə, öyrəndiklərini
tətbiqetmə bacarığını, məntiqi təfəkkürünü inkişaf
etdirir. Bu sadaladıqlarımızın daha yüksək səviyyədə
inkişafı üçün tədris resurslarının rolu böyükdür.
Mən bir müəllim kimi hesab edirəm ki, bugünkü
təhsilimizin əsas dəstəkçilərindən biri də "oxuyuruq.biz"
tədris portalında yerləşdirilən multimedia tədris
resurslarıdır. Bu resurslar şagird nailiyyətlərinin
obyektiv qiymətləndirilməsi və stimullaşdırılmasını
təmin edir və həm də dərsin daha maraqlı keçməsinə
şərait yaradır. Mən istərdim ki, hər bir Azərbaycan
müəllimi bu portalla tanış olsun. Çünki bu portalın
təqdim etdiyi resurslar normal tədris mühitinin
yaranmasında müəllimin ən yaxın köməkçisi və
müvəffəqiyyətin təminatçısıdır. Azərbaycanda yeni
kurikulum islahatları həyata keçirilir. İndi məktəblərə
yeni innovasiyalı texnologiyalar tətbiq edilir. Bu o
deməkdir ki, artıq biz müəllimlər Avropa təhsil
sisteminə inteqrasiyanın gücləndiyi bir zamanda bu
təcrübələrdən səmərəli istifadə etməliyik. "Oxuyuruq.biz"
portalında təqdim olunan multimedia tədris resurslarını
yeni innovasiyalar sahəsində atılan ən uğurlu addım
hesab etmək olar. Çünki bu portal hər bir müəllim üçün
kurikulum üzrə hazır resurslar mənbəyi kimi
əhəmiyyətlidir. Vaxtımıza qənaət edilir və dərsləri daha
maraqlı qurmaq üçün köməkçimiz olur. |
