|
* Dekabrın 17-də Azərbaycan
Respublikasının Prezidenti İlham Əliyev bp şirkətinin
icraçı direktoru Robert Dadlini qəbul edib. Görüşdə
əməkdaşlığın perspektivləri ilə bağlı məsələlər
ətrafında fikir mübadiləsi aparılıb.
* Azərbaycan Respublikasının
Prezidenti İlham Əliyev 15-16 dekabr tarixlərində
Sabirabad rayonunda səfərdə olub. Dövlət başçısı
rayonda bir sıra infrastruktur və sosial təyinatlı
obyektlərin açılışında iştirak edib.
* Prezident İlham Əliyev
dekabrın 15-də Malta Respublikasının Baş naziri Cosef
Muskatın başçılıq etdiyi nümayəndə heyətini qəbul edib.
Görüş zamanı Ermənistan-Azərbaycan, Dağlıq Qarabağ
münaqişəsi, qarşılıqlı maraq doğuran bir sıra məsələlər
ətrafında fikir mübadiləsi aparılıb.
* Dekabrın 15-də dövlət başçısı
İlham Əliyev Polşa Respublikası Baş nazirinin müavini,
iqtisadiyyat naziri, Azərbaycan-Polşa iqtisadi
əməkdaşlıq üzrə Hökumətlərarası Komissiyanın Polşa
tərəfindən həmsədri Yanuş Pexoçinskinin başçılıq etdiyi
nümayəndə heyətini qəbul edib. Görüşdə Prezident İlham
Əliyev ikitərəfli əlaqələrimizin inkişafının regional
əməkdaşlıq baxımından önəmini qeyd edib.
* Azərbaycan Respublikasının
Prezidenti İlham Əliyev dekabrın 11-də Serbiya
Respublikasının parlamentinin sədri xanım Maya
Qoykoviçin başçılıq etdiyi nümayəndə heyətini qəbul edib.
Görüşdə ölkələrimiz arasında nəqliyyat, investisiya
qoyuluşu, energetika və digər sahələrdə əməkdaşlıqla
bağlı fikir mübadiləsi aparıılıb.
* Dövlət başçısı İlham Əliyev 11
dekabr 2014-cü il tarixli fərmanı ilə Azərbaycan Milli
Elmlər Akademiyasının Nizamnaməsini təsdiq edib. Həmin
fərmanla ölkə Prezidentinin "Azərbaycan Milli Elmlər
Akademiyasının Nizamnaməsinin təsdiq edilməsi haqqında"
2003-cü il 4 yanvar tarixli 837 nömrəli fərmanı ləğv
edilib.
* Dekabrın 12-də Azərbaycan
Respublikasının Prezidenti İlham Əliyev və xanımı
Mehriban Əliyeva Fəxri xiyabana gələrək, xalqımızın
ümummilli lideri Heydər Əliyevin məzarını ziyarət
ediblər.
* Ölkə başçısı İlham Əliyev
dekabrın 12-də Beynəlxalq Atçılıq Federasiyasının
prezidenti Şahzadə Haya Bint Al Hüseyni qəbul edib.
Görüşdə Beynəlxalq Atçılıq Federasiyası Baş
Assambleyasının illik iclasının Bakıda keçirilməsinin
önəmi qeyd olunub, ölkəmizdə idmana, o cümlədən atçılıq
idman növünün inkişafına dövlət səviyyəsində göstərilən
diqqətdən məmnunluq ifadə edilib, Azərbaycanda müasir
idman infrastrukturunun yaradılması istiqamətində
görülən işlərin əhəmiyyəti vurğulanıb.
* Azərbaycanın birinci xanımı,
Avropa Oyunlarının Təşkilat Komitəsinin sədri Mehriban
Əliyeva 2015-ci ildə Bakıda keçiriləcək birinci Avropa
Oyunları ilə əlaqədar mədəniyyət abidələrinin hazırlığı
ilə tanışlıq məqsədilə dekabrın 17-də "Atəşgah məbədi"
Dövlət Tarix-Memarlıq Qoruğunda olub. Burada görülən
işlərdən razılığını bildirən Mehriban Əliyeva
tövsiyələrini verib. |
