|
Bakı Şəhər Gənclər və İdman Baş İdarəsi (BŞGİBİ)
tərəfindən kross qaçışı üzrə Bakı çempionatı keçirilib.
BŞGİBİ-dən aldığımız məlumata görə, Bakı Dövlət Cıdır
Meydanında keçirilən yarışda 92 idmançı mübarizə aparıb.
Onlardan 33-ü qadındır.
Nəticələrə görə qadınlar arasında Aida Hacıyeva (1
kilometr), Özləm Əmircanova (2 kilometr), Günel Vəliyeva
(6 kilometr), Rəqsanə Rəcəbli (8 kilometr), kişilər
arasında Tural Sadıqlı (12 kilometr), İlham Abışov (2
kilometr), Nail Rzayev (3 kilometr), Andrey Aranoviç (8
kilometr) birinci yerə layiq görülüblər.
Komanda hesabında "Təhsil" Respublika İdman Mərkəzi
birinci, 5 nömrəli İdman Olimpiya Ehtiyatları
Uşaq-Gənclər İdman Məktəbi ikinci, "Neftçi" isə üçüncü
yeri tutublar.
İlk üç yeri tutan idmançılar BŞGİBİ tərəfindən müvafiq
dərəcəli diplom və xatirə hədiyyələri ilə
mükafatlandırılıblar. |
