Javascript DHTML Drop Down Menu Powered by dhtml-menu-builder.com

ARXİV

20 İyun 2015 - №22

 

Gəncə Dövlət Universitetində startap məktəbləri yaradılacaq

 

Böyütmək üçün seçinUkrayna Milli Texniki Universiteti "Kiyevskaya Politexnika" Texnologiyalar Parkının baş direktoru Yaroslav Koloqrivov və "KPİ"-nin İnformasiya Texnologiyaları İnstitutunun direktoru İnna Malyukova, Azərbaycan Texniki Universitetinin beynəlxalq əlaqələr üzrə prorektoru,  professor Mustafa Babanlı Gəncə Dövlət Universitetinin qonağı olublar.

Universitetin əsas binasının akt zalında Ukrayna mütəxəssisləri ilə seminar-görüş keçirilib. Qonaqları salamlayan GDU-nun rektoru, professor Yusif Yusibov qeyd edib ki, respublikamızın hazırkı inkişafı dövründə, dünya təcrübəsindən bəhrələnməyə, elmi biliklərin, istedadların aşkarlanmasına geniş yol açıldığı bir vaxtda startap layihələri olduqca ciddi əhəmiyyətə malikdir. Bu layihələrin reallaşması üçün kreativ gənclər yetişməlidir ki, bu da startap məktəblərin yaradılmasını şərtləndirir. Məhz Azərbaycanın qərb zonası üzrə Gəncə Dövlət Universitetinin nəzdində belə məktəblərin yaradılması nəzərdə tutulmuşdur.

Rektor Yusif Yusibov Ukraynanın startap layihələri müəlliflərinin azərbaycanlı həmkarları ilə sıx əməkdaşlıq yaratmaq istəklərini xüsusilə qiymətləndirib, belə bir fəaliyyətin hər iki ölkə üçün faydalı olacağını söyləyib.

"KPİ"-nin İnformasiya Texnologiyaları İnstitutunun direktoru İnna Malyukova və Ukrayna Milli Texniki Universiteti "Kiyevskaya Politexnika" Texnologiyalar Parkının baş direktoru Yaroslav Koloqrivov çıxış edərək startap layihələrinin mahiyyətindən, təmsil etdikləri qurumların fəaliyyətindən və əldə edilən uğurlardan danışıb, bu layihələrin hazırlanması və tətbiq edilməsi sahəsində azərbaycanlı həmkarları ilə əməkdaşlığın bəhrə verəcəyinə  inandıqlarını bildiriblər.  O da xüsusi vurğulanıb ki, Gəncə Dövlət Universiteti də daxil olmaqla Azərbaycanda mövcud startap məktəbi ekosistem yaratmağa diqqətin artırılması yeni iş yerlərinin yaranmasına imkan verəcək.

Gəncə Dövlət Universitetində yaradılacaq Startap məktəblərinə əsasən müasir elmin inkişafının önündə gedən, texnologiyalara və texniki biliklərə yiyələnməyə səy göstərən kreativ tələbələr, magistrlər, gənc doktorantlar, hətta orta məktəb şagirdləri cəlb olunacaqlar. Kreativ gənclərə hesablanmış bu layihə bütün Azərbaycan gəncliyini əhatə edəcək.

Seminar-görüşün sonunda rektor Yusif Yusibov startap layihələrinin hazırlanması sahəsində Azərbaycanla Ukrayna, həmçinin Gəncə Dövlət Universiteti arasındakı əməkdaşlıq nəticəsində yeni layihələrin meydana gəlməsinə, uğurlu nəticələr əldə edilməsinə inandığını bildirərək, ukraynalı mütəxəssislərə kollektiv adından təşəkkür edib. 

Maqbet ƏHMƏDOV,
GDU-nun Mətbuat xidmətinin rəhbəri

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov