Javascript DHTML Drop Down Menu Powered by dhtml-menu-builder.com

ARXİV

20 İyun 2015 - №22

 

Bilik hər bir menecerə lazımdır

 

Böyütmək üçün seçinAzərbaycan Texniki Universitetinin (AzTU) Layihələrin İdarə olunması və İnnovasiyalar Mərkəzində "Layihələrin idarə edilməsi üzrə müasir tələblər" mövzusunda tədbir keçirilib.

Universitetdən bildiriblər ki, Layihələrin İdarə Edilməsi Beynəlxalq Assosiasiyası (IPMA) Azərbaycan nümayəndəliyinin (AzPMA) keçirdiyi tədbir layihə menecerləri ilə təcrübə mübadiləsi aparmaq, iş prosesində qarşıya çıxan çətinlikləri aradan qaldırmaq məqsədi daşıyır. Mərkəzin sertifikatlaşdırma, tədris və üzvlük klubunda menecerlər arasında belə təcrübə mübadiləsi müntəzəm aparılır.

Tədbirdə AzPMA-nın prezidenti, IPMA-nın birinci asessoru, professor İqbal Babayev layihələr idarə edilərkən nəzərə alınması vacib olan əsas məqamlardan, layihələri idarə edən ofisin formalaşdırılması prinsiplərindən, idarəetmə komandasının yaradılması və resursların müəyyənləşdirilməsi məsələlərindən danışıb.

Müxtəlif şirkət, firma və birlikləri təmsil edən layihə menecerləri layihələrin idarə edilməsinə müasir yanaşma, beynəlxalq təcrübənin və Azərbaycan reallıqlarının nəzərə alınması məsələlərini müzakirə ediblər. Qeyd olunub ki, Azərbaycanda bu günədək 20-dən çox irimiqyaslı layihə həyata keçirilib. Menecerlər  layihələrin  həyata keçirilməsi  ilə  bağlı fikir və mülahizələrini bildirib, düzgün  və  yanlış  məqamları diqqətə  çatdırıblar.

İ.Babayev menecerlərə həyata keçirilməkdə olan layihələrin zamanın tələblərinə nə dərəcədə cavab verdiyini daim nəzarətdə saxlamağı tövsiyə edib.

İ.Babayev tədbirdə iştirak edən layihə menecerlərinin suallarını cavablandırıb, yaranmış vəziyyətdən çıxış yollarını tapmaq, bəzi çətinlikləri aradan qaldırmaq üçün zəruri olan adekvat tədbirlərdən danışıb.

Görüşdə bildirilib ki, AzPMA bu günədək 150-dən artıq yerli və beynəlxalq təlim təşkil edib, ölkənin 80-dən çox inkişaf etmiş şirkət və müəssisəsinin iki mindən çox layihə menecerini təlimləndirib. Hazırda Azərbaycanda 217 nəfər IPMA-nın beynəlxalq layihə meneceri statusu alıb. Onlar beynəlxalq və milli sertifikatlaşdırılmış layihə menecerləri reyestrində qeydiyyatdan keçiblər.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov