Neodiumdan (NdFeB) hazırlanmış maqnitlər Yer üzündəki ən güclü daimi maqnitlərdəndir.

“Azərbaycan müəllimi” akademik M.Nağıyeva adına Kataliz və Qeyri-Üzvi Kimya İnstitutuna istinadən xəbər verir ki, bu maqnitlər elektronikada, elektrik mühərriklərində, generatorlarda və külək turbinlərində mühüm rol oynayır, çünki onlar hətta yüksək temperaturda və çətin şəraitdə öz gücünü saxlayırlar.

Nadir torpaq metallarına təkcə Yerdə deyil, kosmosda da  rast gəlmək olur.

Alimlər bu yaxınlarda aşkar ediblər ki, asteroidlərdə və digər kosmik obyektlərdə nadir torpaq metallarının böyük ehtiyatları ola bilər. Mars və Yupiter arasındakı qurşaqda olan bəzi asteroidlər neodim və serium kimi elementlərlə zəngindir. 

Gələcəkdə nadir torpaq metallarının kosmosda  istehsalı reallığa çevrilə bilər.  Yer kürəsində onların tələb olunan qədər olmaması və yüksək texnologiyalı cihazlara artan tələbat nəzərə alınarsa, bu istehsal  bazara əhəmiyyətli təsir göstərə bilər.

Bəzi nadir torpaq metalları, məsələn, evropium və terbium, unikal luminessent xassələrə malikdirlər. Onlar müəyyən şəraitdə  parlaq işıq saça bilərlər. Məsələn, evropium lyuminoforlarda istifadə olunur ki, bu da televizorlarda və displeylərdə parlaq, təmiz rənglər yaratmağa kömək edir. Eyni element avro əskinaslarını saxtalaşdırmaqdan qorumaq üçün istifadə olunur: onun flüoresent  xassələri saxta əskinasları aşkar etməyə kömək edir.

Güclü neodim əsaslı maqnitlər külək turbinləri və elektrik nəqliyyat vasitələrinin istehsalında əsas rol oynayır. Onlar bərpa olunan enerjinin və ekoloji cəhətdən daha təmiz nəqliyyatın inkişafını dəstəkləyərək elektrik mühərriklərini daha kiçik, yüngül və səmərəli edir. Məsələn, bir külək generatorunda 600 kiloqrama qədər nadir torpaq maqnitləri ola bilər.