Ötən tədris ili ilə müqayisədə 2020/2021-ci tədris ilində Bakı Mühəndislik Universitetini (BMU) seçən yüksək ballı tələbələrin sayında artım müşahidə olunub. Cari tədris ilində BMU-nun bakalavr pilləsinə qəbul olan tələbələrdən 50 nəfəri 600-dən yüksək bal toplayıb.

Universitetdən bildirilib ki, bu tələbələrdən 42 nəfəri Mühəndislik, 3 nəfəri İqtisadiyyat və idarəetmə, 3 nəfəri Pedaqoji, 2 nəfəri isə Memarlıq və inşaat fakültəsinin payına düşür.

BMU-ya yüksək balla daxil olan tələbələrin ən çox müraciət etdiyi İnformasiya texnologiyaları və Kompüter mühəndisliyi ixtisaslarının ingilis dili bölməsi olub. Belə ki, İnformasiya texnologiyaları ixtisasına 20 nəfər, Kompüter mühəndisliyi ixtisasına isə 17 nəfər daxil olub.

Yüksək ballı tələbələr arasında ən yüksək bal toplayan Əminə İslam olub. O, 660.5 balla BMU-nun İnformasiya texnologiyaları ixtisasının ingilis dili bölməsini seçib.

BMU-nun yüksək ballı tələbələri ilə bağlı ətraflı məlumatları aşağıdakı link vasitəsilə almaq mümkündür:

https://beu.edu.az/az/page/onlari-tani-51