“Yüksəliş” müsabiqəsi Qarabağ Dirçəliş Fonduna kadr axtarışında kömək edəcək | |
Qarabağ Dirçəliş Fondunun İdarə Heyətinin sədri Rəhman Hacıyev və “Yüksəliş” müsabiqəsinin İşçi qrupunun rəhbəri, Gənclər və İdman nazirinin müavini Fərhad Hacıyev arasında görüş keçirilib.
Görüşdə iki qurumun əməkdaşlıq imkanları, müsabiqə iştirakçılarının məlumat bazasından Qarabağ Dirçəliş Fondu üçün potensial əməkdaşlar axtarışında istifadə edilməsinin təşkili barədə müzakirələr aparılıb.
R.Hacıyevin sözlərinə görə, potensial əməkdaş axtarışı yalnız “Yüksəliş” müsabiqəsinin təklif etdiyi anketlərlə məhdudlaşmayacaq. O bildirib ki, istənilən perspektivli işaxtaran şəxs öz CV-sini [email protected] elektron poçt ünvanına göndərməklə fonda müraciət edə bilər:”CV-lərə baxılacaq və uyğun olanlar diqqətə alınacaq. Fond Azərbaycan qanunvericiliyinə və öz daxili prosedurlarına uyğun qaydada təşkilati məsələləri həll etdikdən sonra müvafiq işaxtaranlar müsahibəyə dəvət ediləcək və işçi heyətinin tam formalaşdırılması prosesinə başlanılacaq”. Görüşdə yüksək intellekt səviyyəsinə və idarəetmə qabiliyyətinə malik olan perspektivli liderlərin üzə çıxarılması və dəstəklənməsi, ölkədə kadr ehtiyatı bankının yaradılması məqsədilə təsis edilmiş “Yüksəliş” müsabiqəsinin mühüm rolu və əhəmiyyəti qeyd olunub.
|
|
![]() |
18.03.2021 | 13:02 |
|
|
|