Fransa-Azərbaycan universitetlərarası əməkdaşlıq çərçivəsində xarici dil kimi fransız dili ixtisasını tədris edəcək stajçı Benedikt Furye Gəncə Dövlət Universitetinə (GDU) dəvət olunub.

GDU-nun rektoru, professor Yusif Yusibov Benedikt Furye ilə görüşüb. Görüşdə bildirilib ki, stajçı  tələbələrə həftədə 10 saat fransız dilini tədris edəcək.

Qeyd edək ki, GDU-ya xarici dillər fakültəsinin Fransız dili ixtisasına indiyədək universitetlərarası əməkdaşlıq çərçivəsində 8 stajçı gəlib və tələbələrin xarici dil biliklərinə yiyələnmələrinə yaxından köməklik göstərilib.