Azərbaycan Memarlıq və İnşaat Universiteti (AzMİU) əməkdaşlarının 2021-ci ildə ötən illərə nisbətən dərc olunmuş elmi əsərlərinin ümumi sayında 20, xarici beynəlxalq bazalara daxil olan jurnallarda isə 30%  artım qeydə alınıb.

Universitetdən bildirilib ki, burada xüsusilə Scopus və Web of Science bazalarına daxil edilən jurnallarda AzMİU-nun professor-müəllim heyəti tərəfindən dərc olunmuş məqalələrin dinamikasını daha detallı vurğulamaq lazımdır. Belə ki, Scopus və Web of Science bazasına daxil olan jurnallarda dərc edilən məqalələrin sayı aşağıdakı cədvəldə göstərilib:

Müəllimlər tərəfindən dərc olunmuş məqalələrə verilən istinadlarda da müsbət dinamikanı müşahidə etmək olar. Bu da alimlərin elmi nəticələrinə beynəlxalq mütəxəssislər tərəfindən yüksək dəyər verildiyinin bariz göstəricisidir.

Qeyd olunub ki, 2021-ci ildə elmmetrik göstəricilərin artan xətlə inkişafı universitetdə çalışan professor-müəllim heyətinin elmi fəaliyyətinin stimullaşdırılması məqsədi ilə rəhbərlik tərəfindən aparılan həvəsləndirici və maarifləndirici tədbirlərin nəticəsidir.