Azərbaycanlı şagird və tələbələrdən ibarət beynəlxalq ingilis dili kursu olan “Shane Academy” komandası İstanbulda keçirilən Birləşmiş Millətlər Təşkilatının "Best Diplomats" debat yarışında 70 ölkə (ABŞ, Almaniya, İraq, Pakistan, Fransa, Nigeriya, Liviya, Ermənistan və s.) arasında birinci oldu. "Best Diplomats" müxtəlif ölkələrdən olan yeniyetmə və gənclərin debat aparmaq bacarıqlarını inkişaf etdirməsini, haqlı saydıqları mövqenin qələbə qazanması üçün tutarlı arqument və dəlillər gətirməsi vərdişləri aşılayan beynəlxalq yarışdır.

Fevralın 24-26 tarixlərində İstanbulda keçirilən beynəlxalq yarışda 10 nəfərdən ibarət heyətlə iştirak edən Azərbaycan komandasının hər bir üzvü ayrı-ayrılıqda digər ölkələrdən olan iştirakçılarla debatda qalib gələrək özlərinin dərin ingilis dili bacarıqları ilə yanaşı, yüksək səviyyədə debat aparmaq qabiliyyətlərini də nümayiş etdirib. Azərbaycan komandasının beynəlxalq miqyaslı layihə və yarışlarda əldə etdiyi bu uğur daha bir beynəlxalq platformada ölkəmizin adının ucaldılmasına xidmət edir.