Bakı Ekspo Mərkəzində keçirilən XII  Beynəlxalq Təhsil Sərgisində UNEC stendi "The most attractive stand" ("Ən cəlbedici stend") mükafatına layiq görülüb.

UNEC stendində ali təhsil ocağının təqdim etdiyi mübadilə proqramları, UNEC-də təhsil alaraq xarici ölkələrin nüfuzlu ali məktəblərinin diplomlarını almaq imkanları, əlavə təqaüd fürsətləri və digər faydalı məlumatlar əks olunmuşdu.  

Ziyarətçilərə UNEC stendində Texnologiya və dizayn fakültəsinin tələbələrinin əl işlərini yerinə yetirmə prosesini izləmək imkanı yaradılmışdı. Burada tələbələr parçanın kompüterdə qrafik tərtibatı, nimçələrə ornamental naxışların vurulması, akril boyalarla rəsm çəkilişi işlərini yerinə yetirirdilər. UNEC stendində, həmçinin, dekorativ incəsənət nümunələri, malbert üzərində tələbələrin əl işləri, dekorativ natürmort, qrafik dekorativ boyakarlıq nümunələri xüsusi marağa səbəb olub.