Bakı Dövlət Universitetində (BDU) 2023/2024-cü tədris ilinin payız semestrinin qış imtahan sessiyası yanvarın 7-də başlayacaq. Bu barədə BDU Elmi Şurasının iclasında qərar qəbul olunub.

İmtahanlar yazılı və şifahi olmaqla, iki növbədə (saat 10:00-13:00 və 14:00-17:00) keçiriləcək.

Sessiya  zamanı üzrlü və üzrsüz səbəblərdən imtahanda iştirak etməyən təhsilalanlara həmin fənlərdən imtahan vermək üçün 2024-cü ilin fevral ayının 5-dən 14-dək şərait yaradılacaq.

Ayrı-ayrı fənlər üzrə auditoriya saatlarının 25%-dən çoxunda iştirak etməyən tələbələr həmin fəndən imtahana buraxılmayacaqlar.