Polşanın “Exo” qəzeti BSU-dan yazıb | |
Azərbaycan Respublikasının Prezidenti İlham Əliyev Bakı Beynəlxalq Humanitar Forumunun açılışında çıxışı zamanı milli dəyərlərimizi, maddi-mənəvi sərvətlərimizi dünyada tanıtmağın vacibliyini xüsusi vurğularaq Azərbaycanın nailiyyət və uğurlarını dünyada təbliğ etməyin hər bir vətəndaşın borcu olduğunu qeyd edib.
Ölkə Prezidentinin göstərişlərini rəhbər tutan Bakı Slavyan Universiteti hazırda Şərqi Avropanın əksər ölkələrində və MDB məkanında Azərbaycan dilinin, mədəniyyətinin, elminin, təhsilinin, iqtisadi yüksəlişinin təbliği sahəsində əvəzsiz xidmətlər göstərməkdədir. Dilimizin xarici ölkələrin ali məktəblərində BSU tərəfindən yaradılmış dil kurslarında və tədris-mədəniyyət mərkəzlərində əcnəbi tələbələrə öyrədilməsi artıq ənənəyə çevrilib. Həmin mərkəzlərdə, eyni zamanda, Azərbaycanın nümunə olaraq dünyaya təqdim etdiyi iqtisadi və siyasi modellər, respublikamızın sürətli inkişafının və regionda aparıcı dövlət olmasının səbəbləri, perspektivləri araşdırılır, gənc alimlərin tədqiqat obyektinə çevrilir.
Bu günlərdə BSU-nun əməkdaşları xaricdən daha xoş bir xəbər alıblar. Polşanın məşhur nəşriyyat evinin sahibi, professor Adam Marşalekin təsisçi olduğu “EXO” qəzeti 231-ci sayında BSU, onun rektoru, professor Nurlana Əliyeva, univesitetdəki tədris prosesi və s. haqqında geniş yazı dərc edib. Yazıda BSU-nun 2000-ci ildə ulu öndər Heydər Əliyevin təşəbbüsü ilə Mirzə Fətəli Axundov adına Rus Dili və Ədəbiyyatı İnstitunun bazasında yaradılması və onun keçdiyi tarixi yol barədə ətraflı məlumat verilib. Müəllif hazırda universitetdə beş fakültənin və on bir mərkəzin, o cümlədən Polşa Tədris Mədəniyyət Mərkəzinin fəaliyyət göstərdiyini bildirir. O, professor N.Əliyevanın universitetə rəhbərlik etdiyi qısa müddət ərzində BSU-da ciddi dəyişikliklərin baş verdiyini, univesitetin xarici əlaqələrinin, maddi-texniki bazasının xeyli genişləndiyini qeyd edir..
Yazıda, həmçinin, polşalı professor Yoanna Marşalekin BSU-dakı fəaliyyətinə toxunulub. Qeyd edək ki, Yoanna Marşalek Polşa Siyasi Sistem üzrə Departamentinin müdiri, Polyak siyasi elmlər üzrə illik kitabın baş redaktoru, Şərq tədqiqatlarının direktorudur. O, ötən il BSU-da müxtəlif mövzularda silsilə mühazirələr oxuyub. Bakı Slavyan Universitetinin Avropanın ən yaxşı ali təhsil ocaqları ilə müqayisə oluna biləcəyini vurğulayan A.Marşalek yazıda Polşadan gəlmiş professor Danuta Pleçko ilə görüşlərinə də toxunub. Qəzetdə BSU-da təhsil alan gənclərin hazırladıqları ədəbi-bədii proqramlardan şəkillər və reportajlar da yer alıb.
Adam Marşalek reportajında Bakıda azərbaycanlı tələbələrlə polyak dilində danışmaqdan məmnun olduğunu bildirib. Bakını dünyanın ən müasir şəhərlərindən biri kimi dəyərləndirən A.Marşalek xalqımızın tolerantlıq və multikultural dəyərlərlə tanındığını, dünyaya bir model kimi çıxdığını da vurğulayıb. O, Avropanın özündə dini, irqi, etnik və mədəni problemlərin yaşandığı halda, Azərbaycanın hər yerində multikulturalizmin bərqərar olduğunu bildirir. Bakıda olarkən tələbələrdən bir çoxunun etnik-mədəni kimliyi ilə maraqlandığını qeyd edən naşir yazır: “Onların arasında bir çox azlıqların nümayəndəsi var, amma görürəm ki, etnik-mədəni fərqlər tələbələr arasında, onların münasibətlərində heç bir problem yaratmır. Bu, həqiqətən dünya üçün çox yaxşı örnək sayıla biləcək bir haldır”.
|
|
![]() |
04.01.2019 | 11:11 |
|
|
|