Azərbaycan Dövlət Mədəniyyət və İncəsənət Universitetinin Kino və televiziya sənətləri kafedrasının müdiri , professor Rafiq Quliyev Moskvada işgüzar səfərdə olub. ADMİU-nun kafedra müdiri Ümumrusiya  Dövlət Kinomatoqrafiya İnstitutunun (ВГИК) 100 illiyinə həsr olunmuş yubiley tədbirində iştirak edib.

Tədbirdə dünyanın ilk kino məktəbinin bəzi məzunlarına “ÜDKİ-100” medalı təqdim olunub. Mükafatlandırılanlar arasında professor Rafiq Quliyev də olub. Xatırladaq ki, R. Quliyev 1987-ci ildə ÜDKİ-nin “Kinooperatorluq” fakültəsini fərqlənmə ilə bitirib.