![]() |
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Təhsil Sektorunun İnkişafı üzrə İkinci Layihənin başlanmasına həsr olunmuş seminar Bakıdakı "Hyatt Regency"
otelində Təhsil Sektorunun İnkişafı üzrə
İkinci Layihənin başlanmasına həsr olunmuş
ikigünlük seminar keçirildi. Noyabrın 24-də öz işinə
başlayan seminarı təhsil naziri Misir Mərdanov giriş
sözü ilə açaraq iştirakçıları
salamladı və tədbirin
Dünya Bankı ilə Təhsil Nazirliyi
arasındakı əməkdaşlığın
davamı olduğunu bildirdi. Təhsil Sektorunun İnkişafı
üzrə Birinci
Layihənin uğurla həyata keçirildiyini
söyləyən nazir 10 ilə yaxın bir müddətdə
Təhsil Nazirliyinin Dünya Bankı ilə birgə
fəaliyyət göstərdiyini qeyd edib
görülən işləri müsbət
dəyərləndirdi. Nazir bildirdi ki, Təhsil Sektorunun İnkişafı
üzrə İkinci Layihənin maliyyələşdirilməsi
məqsədilə 2008-ci il sentyabrın 28-də Kredit Sazişi
imzalanmışdır. Layihənin əsas məqsədi
ümumtəhsil məktəblərində tədrisin
keyfiyyətinin yüksəldilməsi, təlim
nəticələrinin yaxşılaşdırılması
və xərclərin səmərəliliyinin artırılmasıdır. 2008-2013-cü illəri əhatə
edəcək layihənin həyata keçirilməsi üçün 45,4
milyon ABŞ dolları məbləğində vəsait
nəzərdə tutulub. Həmin vəsaitin 25 milyonunu
Beynəlxalq İnkişaf Assosiasiyasının güzəştli
krediti təşkil edir. 20,4 milyonu isə Azərbaycan hökumətinin
iştirak payı kimi müəyyənləşdirilmişdir.
Təhsil Sektorunun İnkişafı üzrə İkinci
Layihədə birinci
layihədə başlanılmış kurrikulum, şagird
nailiyyətlərinin qiymətləndirilməsi, müəllim
hazırlığı, təhsilin idarəedilməsi,
iqtisadiyyatı və digər sahələrdə islahatların
davam etdirilməsi ilə yanaşı,
məktəbəhazırlıq və peşə
təhsili sahəsində də islahatlar nəzərdə
tutulub. Misir Mərdanov giriş sözündə
layihəyə aid olan digər komponent və
alt-komponentlərdən də söz açdı,
həyata keçirilmiş və
keçirilməsi nəzərdə tutulan
daha bir neçə vacib məsələni
seminar iştirakçılarının
diqqətinə çatdırdı. Təhsil Nazirliyi
ilə Dünya Bankı arasındakı işgüzar
əməkdaşlığın bundan sonra da davam
etdiriləcəyini söyləyən nazir Təhsil Sektorunun
İnkişafı üzrə İkinci Layihənin başlanması
münasibətilə hamını təbrik etdi. Seminardakı təbrik çıxışında
Azərbaycan Respublikası Baş nazirinin müavini Elçin
Əfəndiyev son illər Azərbaycan təhsilinin inkişaf
etdiyini və uğurlarının artdığını
dedi. Baş nazirin müavini ölkə başçısı
cənab İlham Əliyevin təhsilə göstərdiyi
diqqət və qayğıdan söz açaraq
qeyd etdi ki, son 5 ildə təhsilə ayrılan büdcə
vəsaitinin həcmi 5 dəfə artmışdır. Hazırda
ölkəmizdə təhsillə bağlı 14
inkişafyönümlü Proqram həyata keçirilir
və bütün bunlar Azərbaycan təhsilinin inkişafına,
keyfiyyətinin yüksəlməsinə imkan yaradır. Son
illər təhsillə bağlı müxtəlif mötəbər
beynəlxalq tədbirlərin Azərbaycanda təşkil
olunması, təhsilimizdə müşahidə edilən inkişafın
artıq bütün dünyada tanınması faktı kimi qəbul
olunduğunu deyən E.Əfəndiyev Azərbaycan hökumətinin
Dünya Bankı ilə indiyədək müxtəlif
sahələrdə layihələr həyata keçirdiyini ,
Təhsil Sektorunun İnkişafı üzrə İkinci
Layihənin başlanmasını
Azərbaycan təhsilinin inkişafında yeni bir
mərhələ olduğunu bildirdi. İqtisadi inkişaf nazirinin müavini Sevinc
Həsənova Azərbaycan təhsilinin yeniləşməsində
mühüm rol oynayacaq Təhsil
Sektorunun İnkişafı üzrə İkinci Layihənin
başlanmasını ölkənin təhsilində tarixi bir hadisə olduğunu söylədi. Azərbaycanın
iqtisadi uğurlarından danışan Sevinc xanım
ölkəmizin son 4 ildə iqtisadiyyatın
artım tempinə görə dünya ölkələri arasında
lider olduğunu dedi. Bu gün bütün sahələrdə
olduğu kimi, təhsildə də inkişafa xidmət
edən kifayət qədər
tədbirlərin keçirildiyini
deyən nazir müavini iştirakçısı olduğu seminarın
bu baxımdan mühüm əhəmiyyət daşıdığını
qeyd etdi və onun işinə uğurlar arzuladı. Dünya Bankının Azərbaycan üzrə
meneceri Qreqori Yedjeyçak artıq birinci layihənin tamamlandığını
və ikinci layihəyə başlanılacağını,
əsas tərəfdaşlardan biri kimi Azərbaycanla
əməkdaşlıqdan məmnun qaldıqlarını
bildirdi. Cənab Qreqori
Yedjeyçak Azərbaycan təhsilinin hazırda inkişaf
etdiyini və getdikcə daha da təkmilləşdiyini,
yeniləşdiyini diqqətə çatdırdı. Uzunmüddətli
əməkdaşlıq ərzində Dünya Bankı
ilə Təhsil Nazirliyi arasında səmimi və işgüzar
münasibətlərin mövcud olduğunu qeyd edən Q.Yedjeyçak
bu münasibətdən irəli gələn dostluğu yüksək
qiymətləndirdi. Təbrik çıxışlarından sonra
Azərbaycan Respublikasının təhsil naziri Misir
Mərdanov "Dünya Bankı ilə 10-illik Təhsil İslahatı
Proqramı: Nailiyyətlər və qarşıda duran
vəzifələr" mövzusunda geniş çıxış
etdi.
|
![]() |
![]() |
![]() |
![]() |