Bakıdakı 263 nömrəli tam orta  məktəbdə dövlət müstəqilliyimizin bərpasının 21 illiyi ilə əlaqədar tədbir  keçirildi. Müəllim və şagirdlərin iştirakı ilə keçiriən tədbirə başlamazdan əvvəl Dövlət himni səsləndi. Sonra tədbiri  məktəbin  direktoru  Nəsimi Abbasov açaraq  dövlət müstəqilliyimizin bərpasının 21-ci ildönümü münasibətilə müəllimləri və şagirdləri təbrik etdi.  O,  xalqımızın  azadlıq və müstəqillik  tarixinə nəzər saldı. Qeyd etdi ki,  xalqımızın əldə etdiyi azadlıq və müstəqillik böyük  çətinliklər hesabına qazanılıb.

Tədbirdə müstəqil Azərbaycanın qurucusu, ümummilli lider, ulu öndər Heydər Əliyevin misilsiz xidmətlərindən danışıldı.

Məktəbin tarix müəllimi Təranə Balayeva,  Ağ Ciyər Xəstəlikləri İnstitutunun həkimi, şair-publisist  Taleh  Abbas və başqaları çıxış edərək dövlət müstəqilliyinin bərpasının tarixi əhəmiyyətindən söz açdılar.

Şagirdlərdən Fatma Hümbətli, Əfsanə Abbasova, Yaqub Yaqubov və başqaları dövlət müstəqilliyinə, müasir Azərbaycanın qurucusu ulu öndər Heydər Əliyevə və Vətənə aid şeirlər söylədilər,  mahnı oxudular və rəqs etdilər.

Bir sözlə,  şagirdlər, sözün əsl mənasında, müstəqillik, azadlıq məfhumlarının nəinki bütövlükdə bir xalqın, həmçinin ayrılıqda hər bir insan həyatının ən vacib və ən dəyərli  yaşam tərzi, qazandığı ən böyük nailiyyət olduğu fikrini vurğuladılar .

 Tədbir dövlət müstəqilliyinin bərpasının 21-ci ildönümünə həsr olunmuş ədəbi kompozisiya ilə başa çatdı.

Şakir CƏFƏROV