Javascript DHTML Drop Down Menu Powered by dhtml-menu-builder.com

ARXİV

11 İyul 2015 - №25

 

Nazir çalışmanın yaş həddinə çatmış məktəb direktorları ilə görüşüb

 

İyulun 10-da Təhsil Nazirliyində mövcud qanunvericiliyin tələblərinə uyğun olaraq çalışmanın yaş həddinə çatmış məktəb direktorları ilə görüş keçirilib. Təhsil naziri Mikayıl Cabbarov ölkəmizin təhsil sisteminə uzun illər ərzində verdikləri dəyərli töhfələrə görə onlara Təhsil Nazirliyi və Hökumətimiz adından təşəkkürlərini bildirib. Sonra nazir fəaliyyətləri dövründə yüksək peşəkarlıq göstərmiş təhsil işçilərinin təcrübəsindən bundan sonra da yararlanmaq üçün yeni mexanizmlərin hazırlanması ilə bağlı Nazirliyin müvafiq strukturlarının rəhbərlərinə tapşırıqlar verib.

Tədbirdə çıxış edən ayrı-ayrı təhsil işçiləri onlara göstərilən bu yüksək diqqətə görə nazirə minnətdarlıqlarını bildiriblər. Sonra nazir ölkə təhsilinin indiki vəziyyəti, gələcək perspektivləri və digər bu kimi mühüm məsələlərlə bağlı peşəkar mütəxəssislərin rəy və təkliflərini dinləyib, onlarla fikir mübadiləsi aparıb.

Sonda nazir fəaliyyətini başa vurmuş məktəb direktorlarına Təhsil Nazirliyinin Fəxri fərmanını və xatirə hədiyyələrini təqdim edib.

Böyütmək üçün seçin Böyütmək üçün seçin
 
 
 
Səhifənin başına qalx "Təhsil nazirliyində" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

700 BAL TOPLAYANLAR

 
 
 

Copyright  ©  All Rights Reserved.
Created and supported by Mehman Shafagatov