![]() |
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Prezident İlham Əliyev Ankaradakı Heydər Əliyev adına ibtidai məktəbdə olub
Məktəbin binasının
həyətində şagirdlər, valideynlər,
məhəllə sakinləri Prezident İlham Əliyevi,
xanımı Mehriban Əliyevanı böyük
səmimiyyətlə qarşıladılar. Məktəblilərin ifasında
Azərbaycanın və Türkiyənin milli rəqsləri,
xalq mahnıları böyük maraq doğurdu. Azərbaycan Prezidenti məktəblə tanış
oldu. Şagirdlər məktəbin himnini oxudular, ulu öndər
Heydər Əliyevə olan məhəbbətlərini bir
daha bildirdilər. Dövlətimizin başçısı və xanımı
məktəblilərin əl işlərinə baxdılar,
sinif otaqlarında dərs prosesini izlədilər, uşaqların
təhsili ilə maraqlandılar. Məlumat
verildi ki, Ankaranın bu hissəsində sakinlərin sayının
sürətlə artması nəticəsində ibtidai
təhsil yaşındakı uşaqların da sayı çoxalmışdır
və 2 ibtidai məktəb azlıq edirdi. Bunu
nəzərə alaraq 10 sinifdən ibarət yeni
məktəb tikilmiş, sonradan siniflərin sayı
27-yə çatdırılmışdı. Ankara valiliyi ilə Azərbaycan Respublikasının
Türkiyədəki səfirliyi arasında imzalanmış
protokola uyğun olaraq "Qardaş qurum" layihəsi çərçivəsində
2006-cı il yanvarın 17-dən məktəbə ulu öndər
Heydər Əliyevin adı verilmişdir. Hazırda
məktəbdə 1440 şagird təhsil alır. Prezident İlham Əliyev şagirdlərə
ölkənin layiqli vətəndaşları olmaları
üçün yaxşı təhsil almalarını tövsiyə
etdi. Dövlətimizin başçısı
məktəblə tanışlıqdan sonra xatirə kitabına
ürək sözlərini yazdı: "Heydər Əliyev məktəbinin öyrəncilərinə
yaxşı oxumaq arzulayıram. Məktəbin müəllimlərinə
uğurlar diləyirəm. Yaşasın Türkiyə-Azərbaycan
dostluğu, qardaşlığı! İlham Əliyev, Azərbaycan Respublikasının Prezidenti 6 noyabr 2008-ci il". Dövlətimizin başçısı və xanımına
xatirə hədiyyələri təqdim olundu. Məktəblilər Azərbaycan Prezidentini
və xanımını böyük hərarətlə yola saldılar.
AzərTAc
Azərbaycan Prezidenti İlham Əliyev dünya şöhrətli alim, həmyerlimiz Lütfi Zadəni qəbul edib
Cənab Lütfi Zadə Bakıya
səfərindən və Prezident İlham Əliyevlə
görüşündən məmnunluğunu bildirdi. İlk
dəfə 1965-ci ildə Bakıda birgünlük
səfərdə olduğunu xatırladan alim
budəfəki səfərin onda böyük təəssürat
yaratdığını söylədi. O, ötən dövr
ərzində ölkəmizin xeyli dəyişdiyini, Bakıda
böyük abadlıq və quruculuq işləri ilə yanaşı,
elmin və mədəniyyətin inkişafının da yüksək
səviyyədə olduğunu vurğuladı. Lütfi
Zadə əldə olunan bütün bu nailiyyətləri
Azərbaycan Prezidenti İlham Əliyevin elmə və
mədəniyyətə göstərdiyi qayğı və
diqqətin nəticəsi kimi dəyərləndirdi. Dövlətimizin başçısı bildirdi ki,
Azərbaycan hazırkı imkanlarından istifadə
etməklə elmin, təhsilin və mədəniyyətin
müxtəlif sahələrini inkişaf etdirməyi, ən müasir
texnologiyaların tətbiqini qarşıya məqsəd
qoymuşdur. Prezident İlham Əliyev dedi ki, indi ölkə
üçün başlıca prioritet məsələ qeyri-neft
sektorunun inkişaf etdirilməsidir. "Bakutel-2008" XIV Azərbaycan
beynəlxalq telekommunikasiya və informasiya texnologiyaları
sərgisinin əhəmiyyətindən danışan dövlətimizin
başçısı informasiya texnologiyaları
sahəsində ölkəmizin dünyanın qabaqcıl şirkətləri
ilə sıx əməkdaşlıq etdiyini və
Azərbaycanın yaxın gələcəkdə bu
sahədə regionun mərkəzinə çevrilməsi üçün
yaxşı imkanlarının olduğunu vurğuladı. AzərTAc
|
![]() |
![]() |
![]() |
![]() |