![]() |
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Ən
yaxşı idman məktəbləri və idmançılar mükafatlandırıldı
İdmançılar
arasında Pekində keçiriləcək Olimpiya Oyunlarına
lisenziya alanlar da var
Fevralın 20-də Təhsil Nazirliyində
müsabiqənin yekunlarına və qaliblərin mükafatlandırılmasına
həsr olunmuş mərasim keçirildi. Nazirliyin müvafiq şöbə və struktur bölmə
rəhbərlərinin, müsabiqə qalibləri və KİV
nümayəndələrinin iştirak etdiyi mərasimi
təhsil naziri Misir Mərdanov açaraq zala toplaşanları
salamladı. çıxışında öncə Təhsil
Nazirliyi sistemindəki idman məktəbləri haqqında məlumat
verən Misir Mərdanov bildirdi ki, hazırda Təhsil
Nazirliyinin tabeliyində 157 idman məktəbi
fəaliyyət göstərir. Onlardan 84-ü uşaq-gənclər
idman məktəbi, 61-i uşaq-gənclər şahmat
məktəbi, 9-u ixtisaslaşdırılmış
olimpiya ehtiyatları uşaq-gənclər idman
məktəbi, 3-ü isə ixtisaslaşdırılmış
olimpiya ehtiyatları uşaq-gənclər şahmat
məktəbidir. Həmin məktəblərdə idmanın
27 növü üzrə 415 bölmə fəaliyyət göstərir.
İdman məktəblərində mövcud olan 7935 qrupda
99202 uşaq, yeniyetmə və gənc idmanla məşğul
olur. İdman məktəblərində 4650
nəfər məşqçi-müəllim işləyir ki,
onlardan 2963 nəfəri ixtisaslı, 511 nəfəri müxtəlif
kateqoriyalı məşqçi-müəllimdir. ötən il ərzində Təhsil Nazirliyi
sistemindəki uşaq-gənclər idman və şahmat
məktəbləri tərəfindən beynəlxalq yarışlarda
43, o cümlədən 15 qızıl, 14 gümüş və 14 bürünc
medal qazanıldığını diqqətə çatdıran
nazir bunu yüksək uğur kimi qiymətləndirdi. Sonra
nazir həmin uğurların hansı idman növlərinə
aid olmasını diqqətə çatdırdı. Aydın
oldu ki, cüdo üzrə 3 qızıl, 5 gümüş və 3 bürünc,
sambo üzrə 3 qızıl, 1 gümüş və 1 bürünc,
taekvando üzrə 3 qızıl və 1 gümüş, bədii
gimnastika üzrə 3 bürünc, yünan-Roma güləşi üzrə
2 qızıl, 1 bürünc, boks üzrə 2 qızıl,
sərbəst güləş üzrə 1 qızıl, 1 gümüş,
2 bürünc, atletika üzrə 2 gümüş, ağır atletika üzrə
1 gümüş, şahmat üzrə 1 qızıl, 3 gümüş
və 4 bürünc medal əldə edilib. 2008-ci ildə Pekin şəhərində
keçiriləcək Yay Olimpiya Oyunlarına bu günə kimi
qazanılmış 23 lisenziyanın 4-nün Təhsil
Nazirliyi sistemindəki idman məktəbləri
yetirmələrinin payına düşdüyünü deyən nazir
bunun da müsbət hal olduğunu vurğuladı. Misir
Mərdanov həmin idmançıların adlarını da açıqladı.
Məlum oldu ki, Bakı şəhər 4 nömrəli İxtisaslaşdırılmış
Olimpiya Ehtiyatları Uşaq-Gənclər Gimnastika
Məktəbinin yetirmələri Vəfa Hüseynova, Valeriya
Yeqay Pekin olimpiadasında ölkəmizi
bədii gimnastika, Bakı şəhər 5 nömrəli
İxtisaslaşdırılmış Olimpiya Ehtiyatları
Atletika Məktəbinin yetirməsi Ramil Quliyev atletika üzrə,
"Təhsil" Respublika İdman Mərkəzinin 1 nömrəli
Respublika İdman Məktəbinin yetirməsi Əfqan
Bayramov isə ağır atletika üzrə təmsil
edəcəklər. Sonra təhsil naziri müsabiqənin
nəticələrini elan etdi. Məlum oldu ki, Bakı
şəhər 13 nömrəli İxtisaslaşdırılmış
Olimpiya Ehtiyatları Uşaq-Gənclər İdman
Məktəbi "İlin ən yaxşı İxtisaslaşdırılmış
Olimpiya Ehtiyatları üGİM" nominasiyasında, Sumqayıt
şəhər 1 nömrəli UGİM "İlin ən yaxşı
Uşaq-Gənclər İdman Məktəbi" nominasiyasında,
Bakı Şəhər 1 saylı İxtisaslaşdırılmış
Olimpiya Ehtiyatları Uşaq-Gənclər Şahmat-Dama
İdman Məktəbi isə "İlin ən yaxşı
Uşaq Gənclər Şahmat Məktəbi nominasiyasında
qalib hesab olunmuşlar. Digər nominasiyalar üzrə isə
nəticələr belədir: "İlin ən yaxşı idmançısı"
nominasiyası üzrə: I yer - Vəfa Hüseynova (Bədii gimnastika
ilə məşğul olur, milli yığma komandanın
üzvüdür, 2008-ci ildə Pekində keçiriləcək Yay
Olimpiya Oyunlarına lisenziya qazanıb). II yer - Sərxan Əhmədov (Cüdo ilə
məşğul olur, milli yığma komandanın üzvüdür,
2007-ci ildə Avropanın ən güclü gənc cüdoçusu adına
layiq görülüb). III yer - Zeynəb Cavadlı (Bədii
gimnastika ilə məşğul olur, milli yığma
komandanın üzvüdür, dünya çempionatının bürünc mükafatçısıdır).
"İlin ən yaxşı şahmatçısı"
nominasiyası üzrə: I yer - Vüqar Rəsulov (İdman ustasıdır,
milli yığma komandanın üzvüdür. Avropa və dünya
birinciliklərinin qalibidir). II yer - çingiz Qasımov (Avropa və dünya
birinciliklərində mükafata layiq yerlər tutub). III yer - Günay Məmmədzadə (Türkiyədə
keçirilən dünya birinciliyində II yeri tutub).
"İlin ən yaxşı məşqçi-müəllimi"
nominasiyası üzrə: I yer - Nina Qasımova (Bədii gimnastika üzrə
məşqçi-müəllim işləyir, yetirməsi
Pekində keçiriləcək Yay Olimpiya Oyunlarına lisenziya
qazanıb). II yer - Rəşad Həsənov (Cüdo üzrə
məşqçi-müəllim işləyir, yetirməsi Avropanın
ən gənc, güclü cüdoçusu adına layiq görülüb). III yer - Əşrəf Mehdiyev (Şahmat üzrə
məşqçi-müəllim işləyir, yetirməsi Avropa
çempionatiında I yeri tutub). Qaliblərə diplomlar və
hədiyyələr təqdim edən nazir, onları
təbrik edib daha böyük uğurlar arzuladı. Daha sonra Misir Mərdanov yüksək
nailiyyətləri ilə fərqlənən idman
məktəbləri qismində 12 nömrəli İxtisaslaşdırılmış
Olimpiya Ehtiyatları Uşaq-Gənclər İdman
Məktəbinin, Bakı şəhər 8 nömrəli Uşaq-Gənclər
İdman Məktəbinin, Bakı şəhər 4 nömrəli
Uşaq-Gənclər Gimnastika Məktəbinin,
Gəncə Olimpiya Ehtiyatları Uşaq-Gənclər
Şahmat-Dama Məktəbinin, Gəncə 1 nömrəli Uşaq-Gənclər
İdman Məktəbinin, Şəmkir Uşaq-Gənclər
Şahmat Məktəbinin adlarını xüsusi qeyd edib
onların rəhbərliyinə və pedaqoji
kollektivinə təşəkkür etdi. Keçirilən müsabiqələri yüksək
dəyərləndirən nazir yaxşı ilə pisi
fərqləndirməkdə, bu təhsil ocaqlarının
kollektivlərini daha səmərəli
fəaliyyətə sövq etməkdə, istedadlı idmançıları
aşkara çıxarmaqda onların mühüm vasitə olduğunu
vurğuladı. ölkəmizdə böyüməkdə olan
nəslin fiziki tərbiyəsinə, idmanın inkişafına
hərtərəfli qayğı göstərildiyini qeyd
edən nazir Azərbaycan Prezidenti cənab İlham Əliyevin
bu sahəyə xüsusilə böyük diqqət yetirdiyini, onun
tapşırığı ilə ölkənin regionlarında
müasir olimpiya mərkəzlərinin, idman komplekslərinin
tikildiyini, yeni istifadəyə verilən məktəb
binalarında hər cür avadanlıqla təchiz olunmuş
idman zallarının da nəzərdə tutulduğunu, bütün
bunların gənc nəslin sağlam böyüməsinə, ölkəmizdə
idmanın inkişafına, istedadlı idmançıların
yetişməsinə xidmət etdiyini söylədi. Nazir gələcəkdə belə müsabiqələrin
daha tutumlu keçirilməsi, hədiyyələrlə
bərabər, qaliblərə pul mükafatlarının da
verilməsini məqsədəuyğun saydı və bu
barədə düşünmək lazım gəldiyini bildirdi. Mərasimdə çıxış edən
gənclər və idman nazirinin müavini İsmayıl
İsmayılov ölkədə gənclərə və
idmana göstərilən dövlət qayğısından,
istedadlı idmançıların aşkara çıxarılması
və yetişdirilməsi, daha yaradıcı çalışan
idman təhsil müəssisələri kollektivlərinin
rəğbətləndirilməsi istiqamətində
Təhsil Nazirliyi ilə birgə fəaliyyətin
zəruriliyindən söz açdı, qalibləri təbrik etdi. Mərasimdə təhsil naziri Misir
Mərdanov "Təhsil" Respublika İdman
Mərkəzinin direktor müavini çingiz Səmədovun yüksək
dərəcəli idmançıların yetişdirilməsindəki
səmərəli fəaliyyətinə görə və 55
yaşının tamam olması münasibətilə
Təhsil Nazirliyi kollegiyasının qərarına
əsasən "Azərbaycan Respublikası qabaqcıl
təhsil işçisi" döş nişanı ilə
təltif olunduğunu söyləyib layiq görüldüyü mükafatı
ona təqdim etdi. Tədbirin sonunda təhsil naziri Misir
Mərdanov jurnalistlərin ona ünvanladığı sualları
cavablandırdı. Yusif ƏLİYEV
|
![]() |
![]() |
![]() |
![]() |