![]() |
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
Zaqatalada yeni məktəblər tikilir Azərbaycan Respublikası Dövlət Neft
Şirkətinin (ARDNŞ) vəsaiti hesabına Zaqatala
rayonunun Muxax kəndindəki 2 nömrəli orta məktəb
üçün 500, Qazangül qəsəbə orta məktəbi üçün
isə 360 şagird yerlik yeni binaların tikintisinə başlanılıb.
İndiyədək hər iki məktəb qəza
vəziyyətində olan, istifadəyə yararsız
binalarda fəaliyyət göstərirdi. Bundan əlavə,
Yaponiya hökumətinin "Ot kökləri və insan təhlükəsizliyi"
qrant yardımı proqramı çərçivəsində hazırda
rayonun Göyəm kəndində orta məktəb üçün 10
sinif otağından ibarət 200 şagird yerlik
əlavə korpusun tikintisi də davam etdirilir. Hər 3
məktəb binasının, eləcə də rayon
mərkəzində inşa edilən 300 şagird yerlik
internat məktəbin binasının cari ilin sonunadək
istifadəyə verilməsi nəzərdə tutulur. Gərgin mübarizənin sevinci Məktəb
tətbiqi iqtisadiyyat üzrə milli olimpiadanın qalibi oldu Fevralın 11-də Bakıdakı
"Avropa" otelində "Azərbaycan
məktəblərində iqtisadiyyatın tədrisi"
proqramı çərçivəsində "Məktəbli
şirkətlər" layihəsinin və tətbiqi
iqtisadiyyat üzrə milli olimpiadanın son
mərhələsi ilə bağlı
"Məktəblinin biznes günü" keçirildi. Azərbaycan Respublikasının təhsil
naziri, professor Misir Mərdanovun və ABŞ-ın
Azərbaycandakı səfiri xanım Enn Dersin iştirak
etdikləri bu tədbirdə ABŞ-ın Beynəlxalq
İnkişaf Agentliyinin (USAİD) Azərbaycan üzrə
koordinatoru Skot Teylor, Junior Achievement Azerbaijan (JAA) direktorlar
şurasının sədri Deniel Metyuz və JAA-nın
icraçı direktoru Vüsal Xanlarov nitq söyləmişlər.
Sonra iki hissədən ibarət tətbiqi iqtisadiyyat üzrə
milli olimpiadanın final mərhələsi və şagirdlərin
biznes planlarının, məhsullarının təqdimatı
keçirildi. İlkin mərhələdə mübarizəyə
respublikanın 230 məktəbinin komandası qoşulmuş,
final mərhələsində Bakının 96, 164, 220,
264, 304 nömrəli tədris ocaqlarının komandaları
və Sumqayıtın 15 nömrəli məktəbini
təmsil edən 15 "A" və 15 "B" komandaları
mübarizə aparmışlar. Xüsusi kompüter proqramı
əsasında menecment və iqtisadi modelləşdirmə
üzrə (MESE) ingilis dilində 7 mərhələdə keçirilən
yarışda Sumqayıtın 15 nömrəli
məktəbini təmsil edən 15 "B" komandası
"Azərbaycan məktəblərində
iqtisadiyyatın tədrisi" proqramı çərçivəsində
respublika milli olimpiadasının final
mərhələsinin qalibi olmuş və I yerə, 15
"A" komandası isə VII yerə layiq görülmüşlər.
Komandanın üzvləri - Fəridə çələbiyeva
və ülvi Nağızadə X "Q", Ruslan
Salehli isə X "K" sinfində oxuyurlar. Onların
müəllimləri Elçin Dünyamalıyevin gərgin
əməyi öz layiqli bəhrəsini verib. Komanda dünyanın
bir sıra ölkələrinin 1000-dən çox məktəbli
komandalarının çıxış etdiyi
"Hewlett-Packard Qlobal Business Challinge (HPGBC)"
beynəlxalq yarışlarda iştirak etmək hüququ qazanıb.
Komanda üzvləri qarşıdakı yarışın
final mərhələsinə vəsiqə qazanmaq üçün çox
ciddi hazırlaşırlar. İnanıram ki, onlar praktik
və nəzəri biliklərini bir daha səfərbər
edəcək, Sumqayıt təhsilinin, Azərbaycan
gənclərinin iqtisadi biliklərinin dünya olimpiadası
səviyyəsində layiqli yer tutması üçün uğurla mübarizə
aparacaqlar. X.MƏMMƏDOV, Sumqayıt şəhərindəki 15 nömrəli məktəbin direktoru
|
![]() |
![]() |
![]() |
![]() |