![]() |
|
· Ana səhifə· Rəsmi· Heydər Əliyev Fondu· Əmrlər, sərəncamlar· Təhsil Nazirliyində· Xəbərlər· Pedaqoji yazılar· Məktəblərimiz· Bizimlə əlaqə
|
"Gənc kompüter istedadları" I Respublika müsabiqəsinin qalibləri mükafatlandırıldı Mayın 4-də Təhsil Nazirliyində
məktəblilər arasında kompüter layihələri üzrə
"Gənc kompüter istedadları" I Respublika müsabiqəsinin
qaliblərinin mükafatlandırılması mərasimi keçirildi.
Tədbirdə təhsil naziri Misir Mərdanov, təhsil
nazirinin müavinləri, nazirliyin müvafiq şöbə və
struktur bölmələrinin rəhbərləri, AMEA
İnformasiya Texnologiyaları və
Kibernetika institutlarının direktorları, İKT
sahəsində ölkəmizdə fəaliyyət göstərən
bir sıra şirkətlərin rəhbərləri, müsabiqənin
Təşkilat Komitəsinin, münsiflər heyətinin üzvləri,
final mərhələsinin bütün iştirakçıları,
onların müəllimləri və valideynləri iştirak
edirdilər. Mərasimi təhsil naziri Misir Mərdanov açaraq
son günlər ölkəmizin hər yerində, bütün idarə
və təşkilatlarda, dövlət və qeyri-dövlət
qurumlarında, eləcə də təhsil müəssisələrində
xalqımızın ümummilli lideri, dahi şəxsiyyət
Heydər Əliyevin anadan olmasının 86-cı ildönümünə
həsr olunmuş silsilə tədbirlərin keçirildiyini,
bugünkü tədbirin də bu baxımdan müsabiqə
qalibləri üçün əlamətdar və yaddaqalan olacağını söylədi. Nazir müsabiqə haqqında mərasim iştirakçılarına
geniş məlumat verdi. Qeyd olundu ki, "2008-2012-ci
illərdə Azərbaycan Respublikasında təhsil
sisteminin informasiyalaşdırılması üzrə Dövlət
Proqramı"nın həyata keçirilməsinin
səmərəliliyini artırmaq, yeni informasiya
texnologiyalarının təhsil prosesinə tətbiqi işini
aktivləşdirmək, şagird və müəllimləri
İKT-nin geniş tətbiq olunması işinə
cəlb etmək, eləcə də istedadlı
gənclərin yaradıcılıq potensialının
inkişaf etdirilməsi məqsədilə Təhsil
Nazirliyində məqsədyönlü işlər aparılır.
Belə işlərdən biri də respublika
səviyyəsində ilk dəfə təşkil olunan
"Gənc kompüter istedadları" müsabiqəsidir.
Təhsil naziri onu da bildirdi ki, "Gənc kompüter
istedadları" müsabiqəsi 2007-ci ildə Bakı şəhərinin
məktəbliləri arasında aparılmış,
2008-ci ildə isə analoji müsabiqə Sumqayıt şəhərində
keçirilmişdir. Müsabiqəyə marağı,
eləcə də ümumtəhsil məktəblərinin
İKT ilə təminatı üzrə 1-ci Dövlət Proqramının
icrasından sonra yaranmış imkanları
nəzərə alaraq belə
bir tədbirin respublika səviyyəsində də
keçirilməsi qərara alınmışdır.
Bu məqsədlə müsabiqənin Əsasnaməsi
təsdiq olunmuş, Təşkilat Komitəsi və
münsiflər heyəti yaradılmışdır. Müsabiqədə iştirak etmək üçün
ərizələrin qəbulu Təhsil Nazirliyinin saytında
aparılmışdır.114 ərizə verilmiş,
müxtəlif nominasiyalar üzrə 70 layihə təqdim
edilmişdir. Təqdim olunan layihələr
müsabiqənin birinci turunda münsiflər heyəti
tərəfindən araşdırılıb və 4
nominasiya - "Təqdimat", "Veb sayt", "Kompüter
proqramları", "Animasiya" üzrə 42 layihə
ikinci yekun turuna buraxılıb.
Yekun turun nəticələrinə əsasən 42
layihədən 17-si qalib kimi müəyyənləşdirilərək
müvafiq olaraq I, II, III yerlərə layiq görülüb. Əlavə
olaraq, "Ən orijinal layihə" və "Ən
gənc iştirakçı"da müəyyənləşdirilib. Nazir
yekun turda Bakı, Sumqayıt, Mingəçevir şəhərlərinin,
Zaqatala, Şəki rayonlarının şagirdlərinin
fərqləndiyini qeyd etdi. Verilən məlumatdan
aydın oldu ki, akademik Zərifə Əliyeva adına
orta məktəbin, Heydər Əliyev adına Müasir
Təhsil Kompleksinin, "Zəngi" liseyinin, Bakı
şəhərindəki 134, 286,
313, 56, Sumqayıt şəhərindəki 21, 23, 25,
Zaqatala şəhərindəki 3, Şəki şəhərindəki
11 nömrəli məktəblərin şagirdləri daha yüksək
nəticələr əldə ediblər. Təhsil naziri final
mərhələsində iştirak edən işlərin
disklərə yazılaraq məktəblərə paylanılacağını,
qaliblərin işlərinin isə nazirliyin təhsil portalında
yerləşdiriləcəyini dedi. çıxışının
sonunda nazir Misir
Mərdanov müsabiqənin keçirilməsində əməyi
olanların zəhmətini yüksək
dəyərləndirdi. Tədbirin
artıq hər il keçirilməsinin bir
ənənəyə çevriləcəyinə və onun növbəti
illərdə əhatə dairəsinin daha da genişlənəcəyinə
ümidvar olduğunu bildirdi. Mərasimdə akademik Zərifə Əliyeva
adına orta məktəbin X sinif şagirdi Rəsul
Axundovun "Məktəblinin kalkulyatoru", Heydər
Əliyev adına Müasir Təhsil Kompleksinin VIII sinif şagirdləri
Vüsal Həsənovun və Ceyhun Yusifovun "Qoğal"
nağılı, Sumqayıt şəhərindəki 25 nömrəli
məktəbin şagirdləri
ömürtay və Orxan Şükürlülərin
"İdiomlar" mövzularında hazırladıqları
təqdimatlar oldu. Sonra məktəblilər arasında kompüter
layihələri üzrə "Gənc kompüter istedadları"
I Respublika müsabiqəsinin qaliblərinin adları açıqlandı.
I, II, III yerin sahiblərinə Təhsil Nazirliyinin diplomları
və ayrı-ayrı İKT şirkətlərinin xüsusi
hədiyyələri təqdim edildi. Final mərhələsinin bütün
iştirakçılarına müvafiq
sertifikatlar verildi. Mərasimin sonunda təhsil naziri Misir
Mərdanov bütün qalibləri təbrik edərək onlara
ən xoş arzularını çatdırdı. Samirə KƏRİMOVA
|
![]() |
![]() |
![]() |
![]() |