Bakı Mühəndislik Universitetinin (BMU) memarlıq və dizayn kafedrasının müəllimi Tünzalə Məmmədzadə yeni layihə üzərində işləyib və bu layihəyə tələbələri də cəlb edib. Layihəyə əsasən tələbələr işğaldan azad olunmuş Azərbaycan torpaqlarındakı mənzərələri rəsmə çeviriblər.

T.Məmmədzadə bildirib ki, tələbələr bu sənət əsərlərini qısa müddət ərzində yaradıblar. O, qələbə xəbərləri gəldikcə tələbələrin bundan daha da ruhlanaraq yeni rəsmlər çəkəcəklərinə əminliyini ifadə edib.

BMU-nun tələbələri Ömər Yusifzadə, Rusif Musayev və Asena Heydərli işğaldan azad olunmuş torpaqlarımız barədə öz fikirlərini bölüşüblər. Vurğulayıblar ki, böyük həvəslə çəkdikləri bu mənzərələri tezliklə öz gözləri ilə görüb tabloya köçürməyi arzu edirlər.

https://www.youtube.com/watch?v=BwQmcIG1UIY&list=UUOYADW2Y4cKWKflS-lH1hCA&index=1