Bakı Dövlət Universitetinin (BDU) fizika fakültəsində Tələbə Elmi Cəmiyyətinin təşkilatçılığı ilə Ümummilli lider Heydər Əliyevin anadan olmasının 98-ci ildönümünə həsr olunan “Gələcəyin alimləri” mövzusunda tələbələrin VI Respublika elmi konfransı keçirilib.

Universitetdən bildirilib ki, 2015-ci ildən başlayaraq keçirilən konfransın əsas məqsədi tələbələri elmi araşdırmalara təşviq etməkdir.

Fizika fakültəsi Tələbə Elmi Cəmiyyətinin elmi rəhbəri Arif Orucov konfransa daxil olan məruzələr və bölmə iclasları barədə məlumat verib.

Sonra BDU-nun rektoru Elçin Babayev konfransın təşkili, tədqiqat mövzularının seçilməsi və digər məsələlərlə bağlı fikirlərini bildirib və belə konfransların keçirilməsində müasir yanaşmaların tətbiqinin zəruri olduğunu diqqətə çatdırıb.

Ümumilikdə 97 iştirakçının qatıldığı konfransın  plenar iclasında fizika fakültəsinin 4-cü kurs tələbəsi Hüseyn Məmmədov “Neylon və strukturlaşdırılmış silikon əsasında triboelektrik generatorlar”, 3-cü kurs tələbəsi Aytac Suleymanlı “Atomic orbitals of oxygen atom” (Oksigen atomunun atom orbitalları) və  2-ci kurs tələbəsi Əli Məmmədov “Zəif elektrik siqnallarının xarakterinin və dəyişmə qanunlarının öyrənilməsi” mövzularında məruzələrlə çıxış ediblər.