Azərbaycan-Fransız Universitetinin (UFAZ) Sahibkarlıq və İnnovasiya Mərkəzi IGNITE İnkubasiya Proqramının 2-ci partiyasına qeydiyyatın başlandığını elan edib.
UFAZ-dan bildirilib ki, proqramın məqsədi sahibkarlıq üçün kreativ biznes ideyaları olan şəxslərə və komandalara dəstək verməkdir. Bu üç aylıq intensiv proqram müxtəlif mənşəli startap təsisçilərini iştirak etməyə dəvət edir, yeganə tələb komanda üzvlərindən ən azı birinin hazırda hər hansı universitetdə tələbə olması və ya son 2 il ərzində məzun olmasıdır.
Proqram üçün seçilmiş startaplar aşağıdakı üstünlüklərdən istifadə edəcəklər:
- UFAZ binasında xüsusi iş sahəsinə giriş
- Təcrübəli sahibkarlar və sənaye ekspertlərindən mentorluq və təlim
- May ayında Demo Günündə potensial investorlara öz startaplarını təqdim etmək imkanı
- Proqram müddətində hər komanda üçün 500 AZN-dək maliyyə dəstəyi
- İlk iki startap üçün ilkin sərmayə 5000 AZN
Bundan əlavə, ən uğurlu startap təsisçiləri proqram zamanı irəliləyişləri və performansları tələblərə cavab verərsə, Strasburq Universitetinə maraqlı sahibkarlıq səfərinə getmək şansı əldə edəcəklər.
Proqrama müraciət üçün son tarix 09.01.2024-cü ildir. Ərizənizi təqdim etmək üçün təqdim olunan qeydiyyat linkinə daxil olun:
IGNITE İnkubasiya Proqramı İnnovasiya və Rəqəmsal İnkişaf Agentliyinin dəstəyi ilə təşkil olunur.