Azərbaycan Dövlət İqtisad Universitetinin ( UNEC) Marketinq və kommunikasiya departamentinin əməkdaşı, karikaturaçı rəssam Seyran Cəfərli Türkiyənin İzmir şəhərində keçirilən Beynəlxalq karikatura müsabiqəsində birinci yeri qazanıb.
UNEC-dən bildirilib ki, gender bərabərliyi, qadın hüquqları mövzusunda keçirilən yarışmada 62 ölkədən 549 müəllifin 1672 əsəri təqdim olunub. Müsabiqənin şərtlərinə görə, hər iştirakçıya üç əsər təqdim etmək imkanı yaradılsa da, Seyran Cəfərli müsabiqəyə bir karikatura təqdim edib.
Qadına şiddət mövzusundakı həmin karikatura münsiflər heyəti tərəfindən yüksək qiymətləndirilərək, birinci yerə layiq görülüb.
