Bakı Dövlət Universitetində (BDU) Novruz bayramı münasibəti ilə ağacəkmə aksiyası keçirilib.
Aksiyada universitet rəhbərliyi, fakültələrin əməkdaşları, tələbələr iştirak ediblər.
BDU-nun “Tələbə evi”nin həyətində Ekologiya və Təbii Sərvətlər Nazirliyindən alınmış 500-dək müxtəlif cinsli ağac əkilib.
Aksiyanın məqsədi ətraf mühitin qorunmasına, ekoloji tarazlığın bərpasına kömək etmək, ekoloji tərbiyəni gücləndirmək və təbiətə töhfə verməkdir.
...
BDU-nun “Gənc istedadlar” liseyində də ağacəkmə aksiyası təşkil olunub. Liseyin şagird və müəllimlərinin iştirak etdiyi aksiya zamanı 70-dək müxtəlif cinsli ağac əkilib.
Qeyd edək ki, “Gənc istedadlar” liseyində mütəmadi olaraq çoxsaylı ekoloji layihələr həyata keçirilir, məktəblilərin ekoloji tərbiyəsi daim diqqət mərkəzində saxlanılır.