Bakı Slavyan Universitetində (BSU) 2023/2024-cü tədris ili üçün bakalavriat səviyyəsinə dörd yeni ixtisas üzrə ("Politologiya", “Tarix müəllimliyi”, "Tərcümə" (rus dili-türk dili), "Filologiya" (türk dili və ədəbiyyatı)) tələbə qəbulu həyata keçiriləcək.

Bununla da, BSU-da bakalavriat səviyyəsində tələbə qəbulu aparılan ixtisasların sayı artaraq 18 olacaq.

Eyni zamanda, magistratura səviyyəsində bir yeni ixtisas - “Menecment” (təhsil sahəsi üzrə) ixtisasına qəbul aparılacaq.

Bu barədə BSU-dan məlumat verilib.