"Respublika Fənn Olimpiadalarında şagirdlərimizin iştirakı 25 dəfədən çox artıb".

 

"Azərbaycan müəllimi" xəbər verir ki, bunu elm və təhsil naziri Emin Əmrullayev Respublika Fənn Olimpiadalarının qaliblərinin mükafatlandırılması mərasimində deyib.

 

O bildirib ki, say artırımından başqa keyfiyyət artımı da var.

 

"1995-ci ildə biz riyaziyyat üzrə beynəlxalq yarışa ev sahibliyi edəndə medal ala bilməmişdik, lakin sonrakı illərdə medallar qazanmağa başladıq. Digər fənlər üzrə beynəlxalq olimpiadalardan qızıl medallarımız var. Ümid edirəm ki, riyaziyyat və informatika üzrə də beynəlxalq olimpiadadan qızıl medal ala biləcəyik. Hələ ki, bu fənlər üzrə qızıl medalımız yoxdur. Amma hələ ki... İnanıram ki, buna da nail ola biləcəyik".