Saatlı Rayon Təhsil Şöbəsi, Gənclər və İdman İdarəsi və Uşaq-Gənclər İdman-Şahmat məktəbinin birgə təşkilatçılığı ilə məktəblər arasında respublika çempionatı çərçivəsində şahmat üzrə yarışların rayon mərhələsinə yekun vurulub.
Təhsil şöbəsindən aldığımız məlumata görə, yarışda rayonun 4 ümumtəhsil müəssisəsi - şəhər 1, 2 nömrəli, Cəfərxan kənd tam orta və Bəylər kənd ümumi orta məktəbləri iştirak ediblər. II,III və IV siniflər üzrə hər sinifdən bir qız və bir oğlan olmaqla 6 nəfərdən ibarət 4 komandanın iştirak etdiyi yarışda 24 şagird mübarizə aparıb.
Səməd Vurğun adına şəhər 1 nömrəli tam orta məktəbin komandası yarışın qalibi olub. Cəfərxan kənd tam orta məktəb 2-ci, Bəylər kənd ümumi orta məktəb isə 3-cü yeri tutublar.
Qaliblər diplomlarla mükafatlandırılıb.
I-II yeri tutan komandalar yarışın regional mərhələsində iştirak edəcəklər.
Şakir CƏFƏROV